Дувњак: Се има впечаток дека човечкиот живот е безвреден со вакви пресуди за тешки сообраќајки

You must need to login..!

Опис

Постојано се повторува при тешки сообраќајни несреќи судството да не реагира соодветно и да изрекува преблаги казни за извршителите, а семејствата се чувствуваат онеправдано.

-Првата судска инстанца која може да ја промени одлуката е Апелацискиот суд. Судскиот совет пред една година има укажување да се отвори расправа во Врховен суд оти не е проблем во одредени случаи туку ни недостасува конзистентна судска политика за што е надлежен Врховниот суд. Ние гаснеме пожари. Кога имавме проблем со изборните кривични дела, ги качивме казните. Ни недостасува воедначена судска пракса и следење на казнената политика. Еве сега се воведува ново дело, безобѕирно управување на возило. Ние во законот имаме дела за небрежност и умисла. Умислата тешко се докажува, ама ако имате ситуација кога некој вози без возачка дозвола, зарем тоа не е умисла? Имам впечаток дека судството оди на тоа секоја чест на покојникот, да видиме сега што со живите. Во суштина нема разлика дали некој убил со нож или поминал на полна линија и предизвикал сообраќајна несреќа. Се има впечаток дека човечкиот живот е безвреден, вели Гордана Дувњак во денешен Утрински брифинг.

-Се расправаме со последиците, а не со превентивата. Ние како општество сме затаиле оти треба и во образованието треба да се делува, додава таа.

-Ние расправите ги водиме на социјалните мрежи, а не во институциите. Нам ни недостигаат стручни анализи, а тоа е работа на високите судови и Судскиот совет како и професорите по кривично право. Треба да анализираат и конкретни судски процеси. Ние како јавност не ги знаеме сите детали па сме склони емотивно да реагираме, но со споредување на случаите може да се утврди каде е проблемот, констатира Дувњак.

Превентивата е нужна, смета Дувњак посочувајќи дека сообраќајните дела не се единствен случај и го наведе случајот со Јавна соба по повод на кој беше воведено делото „демнење“.

Проследете го целиот разговор во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

one × four =