Дувњак: Не е добра состојбата во правосудството, нема ни луѓе ни ресурси

You must need to login..!

Опис

Во Јавното обвинителство недостасуваат 60 обвинители, а во редот на судиите недостасуваат една петтина. Во Кривичниот суд според систематизацијата имаат 74 судиски места, а во моментов работат само 44 судии, меѓу кои и оние кои одлучуваат по предлозите на Јавното обвинителство, вели за Утрински брифинг Гордана Дувњак, новинар и познавач на приликите во правосудството.

Таа додава дека одделот за органициран криминал е десеткуван, па Кривичен суд работи само со два судски совета.

-Тоа може да се премости со делегирање судии од други судови. Не знам зошто во време на избори во државата не може да се избираат судии. Генерално, не е добра состојбата во правосудството, недостасуваат многу ресурси – и судии и стручни соработници и техника, вели Дуњак за Утрински брифинг.

Таа вели дека во изминативе години имавме трагикомична состојба во судството, па се појавуваа ситуации да немаат основни средства за работа како тонери и бензин за обвинителите. Дувњак коментира дека со случајот на СЈО се виде дека кога се сака се може да се обезбедат одлични услови за работа.

Во врска со, како што рече, „обидот за скандал“ дека на Орце Камчев му било оневозможена посета, Дувњак ги појаснува постапката за влегување во притворските и затворски установи.

-Има јасни процедури за посета во притворот и затворите во Македонија. Треба да се поднесе официјално барање до Управата за извршување санкции кога станува збор за затворите, а за истражниот затвор барање за посета се поднесува судот. Народниот правобранител, на пример, може без најава да оди во затворите. Оттука, погрешен е тој привид дека е забрането влегување во затворите, коментира Дувњак за Утрински брифинг.

Според неа, притворот е мерка за обезбедување присуство и претходно треба да се применат сите други мерки претходно, па да се цени и ризикот.

-Лично сум застапник за прифаќање големи парични гаранции. Но работа на судот и ЈО е да ценат колку е валидна гаранцијата. Ист проблем имаме и со конфискацијата. И покрај големите очекувања на граѓаните, украденото не се враќа, но најголем дел од заплената тешко се реализира оти е под хипотеки и кредити, вели Дувњак за Утрински брифинг.

Целиот разговор погледнете го во видеото.

Напишете коментар

Вашата адреса за е-пошта нема да биде објавена. Задолжителните полиња се означени со *

eleven − 1 =