ДПИ досега не утврди неправилности во работењето на трговците

You must need to login..!

Опис

Неточни се информациите дека големите маркети ги отстраниле производите од полиците, со цел истите да ги изложат повторно по одмрзнувањето на цените, рече денеска инспекторката Александра Котели од Државниот пазарен инспекторат.

  • ДПИ при контрола на маркетите забележа дека залихите постојано се вадат на рафтовите, што значи дека сепак станува збор за неконтролирано пазарување од страна на потрошувачите. Затоа упатувам апел да се контролираат граѓаните при набавка на продуктите бидејќи залихи има, и истите постојано се вадат на рафтовите. Инспекторите направија и контрола на работењето на бензинските пумпи веднаш по дојавата дека станува збор за некаква манипулација од страна на трговците на нафта и нафтени деривати. Државниот пазарен инспекторат веднаш излезе на терен, при што во моментот на надзорите не се утврдени никакви манипулации во однос на износот на горивото кое може да се наточи од страна на едно лице, ниту пак ограничување во однос на литражата која може да се наточи, рече Котели во интервју за Утрински брифинг.

Таа објаснува дека мора да се направи разлика помеѓу замрзнати цени и ограничени маржи.

  • Одлуката е за ограничени маржи, што значи набавната цена не може да се контролира, односно тоа е слободно утврдување на цени на пазарот.

Маржата е таа која што во моментов ја контролираме. Станува збор за голем број на производи кои се таксативно наброени во одлуката. Исто така станува збор за макотрпни контроли кои траат подолго време. Во оваа фаза извршени се голем број на контроли во цела држава, кај трговците на големо и мало. Засега не се утврдени неправилности во однос на контролата на маржите. Ние преземаме мерки согласно Законот за трговија во однос на малиот број трговци кои не постапиле по однос на одлуката. Казните се движат од 800 до 10.000 евра за непочитување на одлуката за ограничување на трговските маржи, во зависност од големината на трговското друштво.

Сепак, не се само бензините во моментов актуелни теми за постапување, ДПИ постапува по 80 закони.

  • Најмногу постапуваме по законот за заштита на потрошувачите, но проблем е недоволниот број на инспектори. Имаме добра организација со која успеваме да постигнеме да направиме инспекциски надзор во цела држава. Потрошувачите најмногу претставки поднесуваат во однос на купените производи а најмногу се жалат за онлајн пазарувањето, за кое ние како инспекторат немаме надлежност бидејќи најчесто трговецот од каде што е купен производот не е регистриран, објаснува Александра Котели, инспекторка во ДПИ.

Напишете коментар

Вашата адреса за е-пошта нема да биде објавена.

1 + sixteen =