Дончев: Нема потреба од страв – луѓето кои што се боледување, трудниците, породилките ќе ги добијат своите редовни надоместоци

You must need to login..!

Опис

Во овие времиња на страшни и големи здравствени кризи Фондот за здравство е во центарот на вниманието. Каква е генералната состојбата со снабденоста на лекови во Северна Македонија, каква е состојбата со снабденоста на оние лекови кои што се предмет на употреба во лекување на КОВИД-19 и дали сето тоа го покрива ФЗОМ од сопствени финансиски средства беа дел од темите за кои што во Утрински брифинг разговаравме со Ден Дончев, директор на Фондот за здравство.

-Пред некој месец воведовме една од позначајните реформи во Фондот за здравство, а тоа беше елиминација на долгогодишниот систем на квоти и веќе неколку месеци граѓаните можат да ги набавуваат лековите кои се на рецепт, на товар на Фондот, од било која аптека, во било кое време. Таа мерка се покажа многу успешна и од аспект на Фондот и од аспект на матичните лекари, аптеките, но пред се од аспект на граѓаните. Така што и во време на оваа криза тој процес продолжува . Обезбедувањето на лекови се одвива непречено, вели Дончев и додава дека и покрај вонредната ситуација Фондот нема информација за недостаток на лекови и се оддржува редовна комуникација со аптеките.

-Околу оние лекови кои во некои случаи се користат за третман од КОВИД-19, конкретно за лекот азитромицин и хидроксихлорокин, треба да сме свесни дека се уште течат клинички студии за ова прашање. Точно е дека во одредени ситуации покажале успех во третманот, изјави Дончев, но додаде и дека треба да се алармира дека оваа терапија мора да се применува исклучиво во болнички услови под надзор на лекари специјалисти.

-Токму поради тоа Министерството за здравство, за да ги заштити пациентите, дозволи потпишување и издавање на товар на Фондот додека траат овие мерки.

Околу актуелнот прашање за што помасовно тестирање за вирусот и воведувањето на нови пунктови за тестирање и каде се се тестира што од тоа паѓа на товар на Фондот, како и точноста на некои тестови во приказ на сликата за заразеноста, Дончев вели дека до сега тие како институција воопшто немале законска основа да се покријат ваквите типови на тестови, но дека интензивно се работи во последниве две недели и се многублиску до конечно решение.

-Ден или два се прашање. Фондот работеше многу ургентно во соработка со Министерството за здравство и Владата. Точно е дека има два типа на тестови. Едните се брзи тест китови, додека вторите се тестови по т.н PCR метода, што се тестови на молекуларно ниво. Граѓаните треба да се свесни дека тест китовите се индикација, но веројатноста за т.н лажни позитиви или негативи е значително поголема од оние тестови кои се прават на молекуларно ниво. Нашите епидемиолози ги прифаќаат вториве како веродостојни. Градиме капацитет за тестирање на молекуларно ниво, од најмалку 600 поединечни тестови на ден. Тоа е капацитетот во Јавното здравство и во пртиватните здравствени установи.

Околу обвинувањата на опозицијата за финансиски манупулации околу тестовите, Дончев вели дека се чист политички опортунизам и глупости од луѓе кои не го разбираат системот на кој Фондот наплаќа за услуги од јавните здравствени установи.

-Таа цена што беше спомната во јавноста, од околу 5.000 денари е цената по која ЈЗУ ја фактурира ФЗОМ за извршеното тестирање. Тоа нема врска со набавната цена на самиот кит бидејќи во процесот на тестирање влегуваат и многу други трошоци и компонетни како што се материјали, работна рака итн…Таа цена беше поставена од 2013 година, односно наследена.

Околу прашањата и стравот на луѓето кои што се боледување за тоа дали ќе ги примат своите пари, трудниците дали ќе ги добијат своите редовни надоместоци, породилките кои имаат потреба дополнително да останат дома и дали тоа ќе биде регулирано од ФЗОМ, Дончев вели дека нема простор за страв.

-Ве уверувам дека се ќе си тече како што беше до сега. Прво и пред се ФЗОМ е во солидна стабилна ситуација и сите обврски ќе течат по најрегуларен пат како што впрочем беше ситуацијата и до сега.

За покриеноста на невработените, сега отпуштените, за оное кои што работат во онаа неформална сива економија и каква е покриеноста на ФЗОМ во однос на оваа популација, Дончев вели дека е точно дека ова ќе предизвика некои краткорочни проблеми од аспект на осигурувањето, но проблемот со здравственото осигурување на невработените како и лицата кои се отпуштаат Фондот го има предвидено и е предложено решение до Владата во кое сите лица без оглед на нивниот статус, односно доколку се дијагностицирани од КОВИД-10 целиот третман паѓа на товар на Фондот за здравство.

Напишете коментар

Вашата адреса за е-пошта нема да биде објавена.

1 × five =