Дина Дума: Утре почнува македонската премиера на “Сестри” и правилата за Оскар тоа го налагаат

You must need to login..!

Опис

Од утре ќе почне со прикажување во македонските кина филмот „Сестри“, првиот долгометражен филм на режисерката Дина Дума, кој ја освои специјалната награда за најдобар филм во селекцијата „Источно од Западот“ на филмскиот фестивал во Карлови Вари, Чешка. Овој филм е и македонски кандидат за Оскар.

„Да, се подготвуваме за премиерата, која се случува утре и навистина, целиот тим чивствува голема возбуда, бидејќи конечно ќе го споделиме филмот со нашата домашна, македонска публика и затоа имаме трема. Исто така овој дел е и дел од пропозициите за Оскар, филмовите што се кандидати секако треба да имаат и најмалку една недела киноприкажување. Во меѓувреме имавме и дрги фестивали на кои учествуваше филмот „Сестри“, меѓутоа голем дел од нив беа онлајн, а само два се одржаа во живо. Од фестивалите каде што учествуваше филмот би ги издвоила во Сао Паоло, а секако и Талин кои се два важни филмски фестивали, а и Каиро кои што се од А категорија. За жал сите се одржуваа во хибриден формат и не беше возможно да се отпатува во тие градови“, вели за Утрински брифинг, режисерката Дина Дума.


Филмот „Сестри“ е приказна за две тинејџерки чие пријателство е ставено на тест, кога тие се соочени со последиците од нивното однесување, односно кога ја снимаат третата позаничка како има секс со едно момче и го менуваат целиот нејзин живот. На кастигот, пак, средошколките кои конкурирале за улога ги кажувале своите искуства врсничко насилство.

„Точно е дека на кастингот девојчињата раскажуваа за своите искуства, и тоа се претвори во студија на случај. Тие споделија многу слични приказни како моето сценарио и сфативме дека бројката на сајбер булингот е многу поголема отколку што очекувавме“, додава Дума.


Продуцентка е Марија Димитрова, сценариото е на Дума и Мартин Иванов, кинематографер е Наум Доксевски, монтажер Мартин Иванов, сценографијата ја правеа Кирил Спасевски и Симо Бранов, костимите Роза Трајческа-Ристовска, а шминката е на Жанета Димитриевска.
Дума го сними филмот во 2019, на урбани локации низ Скопје во продукција на „Лист“.

„Сестри“ е поддржан од Агенцијата за филм на Северна Македонија и е регионална копродукција со Црна Гора и Косово. Главните улоги ги толкуваат Миа Жиро и Антонија Белазелкоска.

Напишете коментар

Вашата адреса за е-пошта нема да биде објавена.

four × three =