Димова: Дури 67 отсто од девојките во руралните средини се невработени, ние сакаме да им помогнеме

You must need to login..!

Опис

Мрежата Стела започна со активности поврзани со проектот „Поддршка на вклучување на жените и девојките на пазарот на труд преку менторство“, чија цел е да ја унапреди вклученоста на девојките и жените на пазарот на труд поддржувајќи ги со менторирање, практикантство и информации.

„Стела мрежата веќе неколку години работи на подобрување на пристапот на жените како до високо образование, така и до работни места. Овој нов проект што го почнавме во октомври е поддршка за жените и девојките за вработување, или отворање на бизнис, овозможување пракса во некоја компанија, обука за јакнење на нивните веѓтини и капацитети. Она според кое сме препознатливи како „Стела“ е менторската мрежа, која брои над 120 менторки. А во овие три изминати години сме имале 101 девојка и жена кои добиле менторска поддршка, а тоа значи дека сме им го смениле животот на овие жени, оваа бројка можеби не изгледа голема, но за за нас претставува голема работа ако и само на една девојка сме и’ промениле животот. Со овој проект сакаме да ги доближиме и компаниите и да им објасниме дека не е толку лесно за сите девојки и жени да стигнат до вработување според своите квалификации или да започнат свој бизнис. Нашите активности се и во насока компаниите да ги отворат своите врати за жените и да им овозможат обука, некој вид на пракса. Пред да го започнеме овој проект направивме една анализа во која добивме податоци дека висок процент на девојки и жени особено од руралните средини се соочуваат со многу потешкотии за вклучување во пазарот на труд. Причините не се недоволната самодоверба, како што може често да се слушне, тие се многу подлабоки, пред се’ нерамноправната поделба на трудот во домот, односно грижата за семејството, за постарите, за децата“, вели за Утрински брифинг, Наташа Димова од Мрежата Стела.

Напишете коментар

Вашата адреса за е-пошта нема да биде објавена. Задолжителните полиња се означени со *

five × five =