Димковска за Утрински брифинг: Салата Партизан повторно ќе биде расадник на спортисти

You must need to login..!

Опис

Спортската сала „Партизан“, која во 1963 година, по земјотресот во Скопје била изградена како донација од Франција, веќе десетина година претставува руина, наместо симбол на спортското живеење во градот.

Иницијатива за промена на ликот на салата презеде Меѓународното граѓанско здружение „Културно ехо“, кои го направија идејниот проект. Идејата да се врати во живот оваа сала, како што вели за „Скопски агол“ на „Утрински брифинг“ Симона Димковска од „Културно ехо“ дошла случајно уште во 2018 година откако забележале во каква состоја е „Партизан“.

„Цела година и многу состаноци ни требаа за да стигнеме до тука, односно да го затвориме објектот, за да нема понатамошно оштетување. Ние како „Културно ехо“ доставивме две идејни решенија. Во тимот имаме двајца архитекти, еден е Шпанец, другиот е од Македонија. Направија свои тимови, едниот во Барселона, другиот во Скопје. Идејните решенија се концентрираат исклучиво на ревитализирање, а при тоа ги почитувавме сите архитектонски елементи од архитектот Трајко Димитров, архитектот кој го изградил „Партизан“, вели Димковска.

Повеќе гласови на анкетата освои странскиот тим, а преку велосипедска и пешачка патека со салата ќе се спои и адреналинскиот парк, кој ќе се гради во близина.

„Надворешните спортски активности ќе бидат предвидени за повеќе возрасти, буквално за сите од 7 до 77 години. Ќе има мало кошаркарско игралиште, мал базар за рачни изработки, ќе има и економски содржини за да биде одржлив целиот простор.Тоа значи дека ќе има и кафе бар и хелти ресторан. Ќе има и голема мултифункционална сала, сала за стрелаштво. Ќе има и озеленување на просторот“, информира Симона.

Напишете коментар

Вашата адреса за е-пошта нема да биде објавена. Задолжителните полиња се означени со *

18 − nine =