Димитријевиќ: Дел од уметниците треба приоритетно да се вакцинират затоа што не можат да работат со маски

You must need to login..!

Опис

Синдикатот на култура на РМ (СКРМ) до Министерството за здравство упатил барање за вклучување на уметниците на приоритетна листа за вакцинирање. Барањето се однесува на уметниците кои работат на сцена и чија работа не може да се одвива со носење маска и почитување на сите протоколи.

„Во нашето барање беа истакнати сите проблеми зошто го бараме ова, бидејќи дел од сценско изведбените уметности и дејности не може да се одвива со маски. Ние не побаравме сите вработени во кулурата да биде на приоритената листа, имавме и неои забелешки поради тоа, но сепак некои од дејностите можат да се извршуваат со маски и да се заштита луѓето. Од друга страна, пак, глумењето на сцена е речиси неизводливо со маски. Може да се направи една претстава каде што тоа би било концепт, но повеќе од тоа би било невозможно. Истото се однесува и за Филхармонија каде што на пример некој музичар треба да свири некој дувачки инструмент, а со маска тоа е неизводливо.

Поради овие причини, за да можеме да продолжиме да ги извршуваме нашите работни задачи побаравме дел од уметничката фела да биде во таа приоритетна група, секако ние би биле последни на таа листа, по сите кои ги извршуваат виталните дејности значи докторите, медицинските лица и сите други. Што се однесува за културните работници во музеите или библотеките, не велам дека се сто отсот заштитени, но сепак може да ја извршуваат својата работа и со маски. Но, иако барањето го испративме пред еден месец, се’ уште немаме одговор од Министерството за здравство кое е адресирано до министерот Филипче и се надевам дека ќе ни одговорат, било да е тоа позитивно или негативно за да знаеме како да се однесуваме понатаму“, вели за Утрински брифинг, Ивица Димитријевиќ, потпретседател на Синдикатот на култура.

Тој најави и нова онлајн претстава која ја подготвува заедно со режисерот Срѓан Јаниќијевиќ, за која вели дека се случува во дигиталниот простор.

Напишете коментар

Вашата адреса за е-пошта нема да биде објавена. Задолжителните полиња се означени со *

fourteen − 13 =