Кроневски: Со лична одговорност и нормативни решенија може и онлајн парламентарни седници

You must need to login..!

Опис

На Светскиот конгрес за ИКТ кој се одржa на 19. ноември 2020 во Пенонг, Малезија, на кој учествуваа визионери и деловни лидери од целиот свет, компанијата Некстсенс, во конкуренција на огромен број компании и иновативни решенија од преку 80 земји, ја доби престижната глобална награда за заслуги во областа на ИКТ иновативноста – Virtual WITSA Global ICT Excellence Merit Award 2020 за своето решение Nextsense Contact Tracing Technology и мобилните апликации СтопКорона! и ВирусРадар.

Светската алијанса за информатичка технологија и услуги (WITSA) е водечки признат меѓународен глас на глобалната ИКТ-индустрија, чии членови од над 80 земји и економии претставуваат повеќе од 90 проценти од светскиот IKT пазар.

– Апликацијата СтопКорона! ја развивме кон крајот на март и почетокот на април и ја дониравме на Министерството за здравство. Не беше наменета за продажба туку еден вид на наа поддршка во борбата со ковид-19. Истата беше донирана и пуштена во употреба во Унгарија, изјави Утрински брифинг Васко Кроневски од Некстенс.

Годинава по обемот на барања гледаме дека сакаат дигитално да се трансформираат. Сето тоа до сега се правеше скромно, но последниве 6 месеци напливот на барања за целосно електронско работење е приметливо, вели Кроневски и додава дека трансформацијата веќе се случува.

Сакале или не ние веќе се трансформираме. Сите бараат начин како да функционираат во ова време на „социјална дистанца“. Во прилог оди и трансформацијата на законодавството. Од 1 септември на сиула се новите закони за т.н услуги од доверба и електронски документ. нема никакви законски пречки да склучуваме, потпишуваме договори он лајн кои се со еднаква важност како хартиеното, изјави Кроневски.

Се уште во целост не може да се замени физичката интеракција. Можеби се работи за стекнати навики од минатото, но одговорноста на двете страни е различна кога се прави онлајн интеракција од физичката. Чувството на одговорност е поголемо кога е физичко. Но сега зборуваме за воведување на алатки и пороцеси кои ќе помогнат да ја намалиме бариерата која ни се наметнува со пандемијата, вели Кроневски.

Говорејќи за можниоста за е-гласање Кроневски вели дека можноста за злоупотреба е голем ризик и за тоа сите внимателно пристапуваат кон тоа. Клучните работи кои треба да се обезбедат е тајноста на гласањето. Не смее да се поврзе резултатот од гласањето со идентитетот. Затоа треба да се обебедат технички мерки да се изолираат двете работи. Потребно е големо јакнење на јавната свест, вннимателен информативен сегмент за сите учесници во гласањето, смета Кроневски.

Целиот разговор со Васко Кроневски од Некстсенс погледнете го во видеото.

Напишете коментар

Вашата адреса за е-пошта нема да биде објавена. Задолжителните полиња се означени со *

three × one =