Деспотовски: Апсолутно не е точно дека инвестиции нема, по финансиска поддршка ги изедначивме домашните и странските компании

You must need to login..!

Опис

Технолошки и индустриски развојни зони досега главно беше со акцент на индустриски, но сега се менува и почнуваат да доаѓаат технолошки компании кои носат поголема додадена вредност, оти во наш интерес е да прибираме повеќе даноци, вели Јован Деспотовски, директор на Дирекција за ТИРЗ, за Утрински брифинг.

-Во петокот објавивме годишни сметки на компаниите во зоните кои покажуваат дека и во време на криза компаниите оствариле профит, вели Деспотовски.

Опозицијата од денеска го блокира Собранието, а една од причините е дека оваа власт не умее да донесе странски инвестиции.

-Овој чин на опозицијата е лоша порака до оние кои сакаат да инвестираат оти им е битна и политичката стабилност. Не очекувам ништо добро ако се спроведе во пракса блокадата на институциите. Индикативно е шшто секогаш кога нашиот политички опонент е во ситуација да покаже што направиле тие, во случајов на локално ниво, тие дефокусираат со барања за предвремени избори, вели Деспотовски.

ТИРЗ управува со 14 развојни зони во различни општини. Деспотовски вели дека во интерес на државата може и мора да се разговара со градоначалниците каде што се овие зони, но дека од таа страна интерес за такви разговори нема.

-Ова е нивна политика од 2007 или 2008 година, креирање криза преку блокада на институциите. Апсолутно не е точно дека инвестиции нема. Инвестициите од 2017 и 2018 се приближно исти како сега и покрај кризите. Просечната плата во зоните пред година ипол беше пониска од просечната плата во националната економија, а сега работата е обратна, но и тоа не е доволно затоа што тие компании добиле поддршка од државата, вели Деспотовски.

4

Деспотовски вели дека според бројките, компаниите стабилно растат и со приходите и преку добивките. Кризата во Украина и со енергенсите е нешто што се одвива на глобално ниво и ние не можеме да влијаеме, но можевме да влијаеме вработеноста во тие компании да се зголеми а некои од нив продолжуваат да инвестираат, додава тој.

-Во моментот и затоа што државата од 2017 година вложува средства за подршка и во домашните компании, не стравуваме дека странските компании можат да заминат од Македонија. Странските, особено прекуокеанските земји, сакаат да инвестираат во Македонија затоа што сме европска зема сеедно што не сме во ЕУ. Со влезот во НАТО, нашата позиција се подобри од аспект на безбедноста, но и од аспект на економијата. Кризата во Украина го зајакна позитивниот ефект од наето членство во НАТО, вели Деспотовски.

Проследете го целиот разговор во видеото

Напишете коментар

Вашата адреса за е-пошта нема да биде објавена.

eleven − 1 =