Дерковски: Финансиски гледано, доколку се одложат изборите ќе изгубиме многу повеќе од тоа ако се завршат во предвидените роковои

You must need to login..!

Опис

Во ДИК нема паника и нема причина за паника. Денес е денот кога треба да се достават кандидатските листи. Потоа ги проверуваме апликациите, ако е се во ред ги потврдуваме листите и продолжуваме со нашата работа. Заврши рокот со увидот во Избирачкиот список и доста граѓани се проверија.

Во меѓувреме вршевме и збор на членови и членови на заменици општинските изборни комисии. Значи редовните активности редовно си течат, изјави Оливер Дерковски во Утрински брифинг, за работата на оваа институција во услови кога Корона вирусот е веќе присутен во нашата држава.

ДИК постапи согласно препораките кои што ги донесе владата пред некој ден. Во рамиките на тие постапки сите оние членови и заменици членови на избирачки одбори кои што се од фелата на здравството даде насока да се изземат од членство во тие одбори и во наредните денови ќе се врши пополнување со нови лица од јавната администрација.

Сите знаеме дека треба максимално ангажирање на цел медицински персонал во државата, изјави Дерковски во однос на препораките од Владата.

Владата треба да ја следи ситуацијата. Не можеме ние да прејудицираме некоја одлука. Одлуката за распишување на изборите ја донесе собранието и сметам дека исто така одлуката за евентуално пролонгирање на изборите треба да ја донесе истиот орган кој што ги распиша изборите. ДИК само ги исполнува одлуките на тој орган.

Дали ќе има или не одлагање на изборите зависи од политичкиот договор помеѓу политичките партии. Финансиски гледано, доколку се одложат изборите ќе изгубиме многу повеќе од тоа ако се завршат во предвидените роковои.

Напишете коментар

Вашата адреса за е-пошта нема да биде објавена. Задолжителните полиња се означени со *

two + 19 =