Дерала: Најголемиот број кривични дела во светот се извршени со балканско оружје

You must need to login..!

Опис

Оружјето секогаш е поврзано со криминалот, а особено со организираниот криминал од сите видови. Тоа е придружна алатка на сите организирани криминални групи во земјава и странство. Ако има голема пролиферација на оружје, таа земја не може да се смета за безбедна, вели за Утрински брифинг, Џабир Дерала од „Цивил“.

-Не знаеме и податоците не се систематски за тоа дали и колку расте бројот на парчиња оружје во земјата. Не постои едно депо во кое се чува запленетото оружје, туку се чува во регионални СВР, вели Дерала.

ЦИВИЛ денес со почеток во 13 часот организира онлајн настан на тема „Нелегалното оружје и организираниот криминал: Сè е поврзано“. Со ова, продолжува серијата онлајн настани под заеднички назив „Во фокусот“. На денешниот настан, „во фокусот“ на ЦИВИЛ ќе се најдат повеќе актуелни и исклучително важни аспекти на контролата на оружјето во земјата и во регионот. Фокусот ќе биде „изострен“ и на врската меѓу распространувањето на нелегалното оружје и организираниот криминал.

Минатата година, ЦИВИЛ го спроведе проектот „Минатото, сегашноста и иднината на контролата на оружјето во Северна Македонија“ кој донесе исклучително богата содржина со низа интервјуа од релевантни аналитичари, експерти и високи државни функционери. Проектот беше спроведен со поддршка од Глобалната иницијатива против транснационалниот организиран криминал и Резилиенс фонд.

Денешниот настан, кој се очекува да трае најмногу 60 минути, е одлична можност за пошироката публика да се запознае со резултатите од овој проект. А во меѓувреме…

Проследете го целиот разговор во видеото

Напишете коментар

Вашата адреса за е-пошта нема да биде објавена.

2 × one =