Денес во 17 часот: Флеш моб за поголема видливост на Ромите

You must need to login..!

Опис

Флеш моб составен од 40 учесници, Роми, Македонци, Белгијци, Германци и Шпанци денеска ќе се одржи на две локации на плоштад „Македонија“. Идејата, како што рече организаторот Срџан Амет, е преку уметноста да се надминат нетрпението и дискриминацијата кои се најзастапени во однос на ромското население.

  • Преку уметноста сакаме да ги минимизираме сите банални работи кои ни се случуваат, како нетрпението, дискриминацијата, предрасудите како најзастапени во овој таканаречен соживот. Токму флеш мобот кој денеска во 17 часот ќе се одвива на две локации на плоштад „Македонија“ има за цел да ги поврзе младите Роми и нероми а со тоа да ја зголеми свеста за вклучувањето на ромите во уметноста. Учество ќе земат повеќе од 40 учесници, Роми и нероми, односно Белгијци, Шпанци, Македонци и Германци меѓу кои и ученици од средното училиште „Шаип Јусуф“ од Шуто Оризари, а предводени од театарот „Рома“ од Скопје. Идејата е преку музика младите да се зближат и да ги расчистат недоразбирањата помеѓу нив, рече Амет, кој е национален координатор на европската невладина организација „Мадам фортуна“, стационирана во Кралството Белгија.

Организацијата се занимава со артистичко социјални проекти, а работат и на интеграција на бегалците преку уметноста како и вклучување на младите роми во театарската уметност.

  • Ромите се уште не се интегрирани во општеството од аспект на културата ниту од социјјален аспект, додека пак стагнираат во однос на економијата. Тоа покажува дека Ромите се една од маргилизираните групи во Македонија. Има исклучителни примери кои се светла точка и треба да бидат водилка за останатите. Сепак, тоа е процес кој не може брзо да се среди, но добро е да има некаков прогрес, вели Амет.

Како голем недостаток во однос на уметноста и креативноста на Ромите, тој посочува дека е немањето културен дом.

  • Четврта година по ред сме во одлична соработка со општина Шуто Оризари и правиме преговори за таму да се изгради Дом на културата, каде ќе се развива културното и традициооналното наследство на Ромите. Процесот е сложен поради Деталниот урбанистички план и маркицата за градба која мора да постои за да се изгради објектот. Градоначалникот ни дава поддршка и прави напори да ја обезбеди маркицата за градба по што ќе може да се изгради Домот на култура. Се надеваме дека за една година ќе успееме да го реализираме проектот, вели Срџан Амет.

Напишете коментар

Вашата адреса за е-пошта нема да биде објавена.

thirteen − 7 =