Граѓаните индиректни жртви во директната мала „војна“ помеѓу телевизиите и кабловските оператори

You must need to login..!

Опис

Деновиве во Македонија кога е во прашање јавниот дискурс како да има една мала „војна“ помеѓу телевизиите и кабловските оператори. Влезени се во еден „клинч“ кој што граѓаните не го разбираат, но како по обичај ги читаат насловите и од тоа вадат заклучоци. на пример, кога ќе прочитаат дека нема каде да гледаат Лига на Шампиони, одеднаш станува хаос и хистерија.

За проблемот, или недоразбирањето помеѓу телевизиите и кабелските оператори, во Утрински брифинг говореше адвокатот Валентин Пепељуговски.

Кога граѓаите ќе прочитаат дека нема каде да гледаат Лига на Шампиони, одеднаш станува хаос и хистерија

Сакам да кажам дека ниту на едните, ниту на другите им е од интерес да има пиратство. Мислам дека не треба меѓусебно да се обвинуваат дека се генератори на пиратството.

Каде е проблемот? Проблемот е во фамозниот член 143, каде што за кабелските оператори кои реемитуваат програма ќе бидат должни да достават изјава под полна морална и кривична одговорност дека всушност за целата програма која што ја реемитуваат ги поседуваат авторските права, односно имаат регулирани авторски права.

Дали се вклучува алармот дека странските канали врз кои кабловските оператори заработуваат на база на разновидноста која ја нудат не им е регулиран статусот

И сега тука се поставува прашањето зошто би одговоралал оној што реемитува за некој кој што го довел во заблуда дека ги поседува авторските права за содржината која што се реемитува од страна на домашниот субјект (македонските кабловски оператори).

На прашањето дали се вклучува алармот дека странските канали врз кои кабловските оператори заработуваат на база на разновидноста која ја нудат не им е регулиран статусот, Пепељуговски вели дека според неговите сознанија некои од овие канали немаат соодветна документација или во Агенција за аудио и аудиовизуелни медиумски услуги приложиле несоодветна документација и договори.

Значи ние во нашата Агенција не може да доставите договор дека ги имате регулирано правата за територијата каде што ви е седиштето, на пример – Хрватска, Словенија, Германија или било која друга држава. Вие треба во таа изјава да кажете или во тој договор да се обврзете дека ги поседувате правата таа програма да се реемитува за териотријата на Македонија.

Според моите сознанија некои канали немаат соодветна документација или во АВМУ приложиле несоодветна документација и договори

Нас не не интересира дали поседувате права за државата каде што е вашето седиште. Тоа е работа на нивните надлежни органи. Нас не интересира дали вие ги поседувате правата за таа програма, за таа содржина да биде емитувана, односно реемитувана во нашата држава, додаде Пепељуговски.

Како резултат на спороста на постапките и недоволното истражување на документацијата од надлежните органи се посегна кон една административна мерка – да дадете изјава.
Значи ние имаме и кривичен законик, закон за авторско право и сите тие регулираат на каков начин се пренесуваат и отстапуваат правата.

Одговорноста е исто така регулирана.

Зошто вие да одговорате ако некој го повредил законот, изјави Пепељуговски

Напишете коментар

Вашата адреса за е-пошта нема да биде објавена. Задолжителните полиња се означени со *

two × four =