Градначалникот на Охрид: Ако се влоши ситуацијата во Скопје, здравствените капацитети на Охрид се на располагање

You must need to login..!

Опис

Охрид има еден од поразвиените локални здравствени системи и ние сме подготвени доколку ситуацијата се влоши во Скопје, дел од евентуалните потешки случаи да ги преземеме овде, изјави во Утрински брифинг, градоначалникот на Охрид, Константин Георгиевски.

„Имаме редовни состаноци со лекарските установи. Здравствениот систем во Охрид е прилично развиен, имаме кардиоваскуларно одделение, Општа болница како и специјална установа за ортопедија. Сите тие располагаат со добар квантум на човечки и материјални ресурси па имаме соодветен план доколку се исполнат капацитетите во Скопје, да се направи простор во Охрид за тешки случаи“, вели Георгиевски.

Тој потенцираше дека Охрид ќе биде еден од економски најпогодените градови затоа што дејноста која ја изведуват голем број луѓе, турзимот, ќе биде намален.

Градоначалникот информираше дека ситуацијата во градот е слична како и во останатите градови, односно општината работи со намален капацитет, 10-15 луѓе, раководители на сектори кои мора да ги завршат проектите кои имаат рок.

„Луѓето главно се придржуваат до апелите да седат дома. Во Охрид има засега двајца без тешки симптоми и се на домашно лекување. Има мала нервоза меѓу граѓаните“, информираше меѓу другото Георгиевски во Утрински брифинг.

Напишете коментар

Вашата адреса за е-пошта нема да биде објавена. Задолжителните полиња се означени со *

two × three =