Гоу Грин: Самитот во Глазгов треба да не засега сите, да не мислиме дека климатските промени не се однесуваат на нас

You must need to login..!

Опис

Од Самитот за климатски промени кој се одржува во Глазгов а на кој присуствуваа сите светски лидери се очекува да понуди конкретни решенија за намалување на негативните влијанија кои ги предизвикуваат климатските промени. Овој самит е многу важен бидејќи требаше да се презентира каков придонес дала секоја земја кон намалување на климатските промени, но сепак се дојде до заклучок дека предлог решениејата кои ги дадовме во Париз во 2015 година, не се реализираат. Ова денеска во Утрински брифинг го изјави претседателката на организацијата „Гоу Грин“ Мила Јовановска.

  • Доцниме со имплементацијата на мерките што треба да се превземат за да ги ублажиме или спречиме катастрофалните последици од климатските промени. И покрај тоа што 40 земји потпишаа дека нема да користат фосилни горива, останува неодговорено кога ќе се затворат старите термоцентрали и рудници на јаглен, додека пак најголемите земји кои користат јаглен, не проговорија што ќе прават на таа тема. Се зборува за плаќање на такса која ќе ја плаќаат најголемите виновници односно емитери на стакленички гасови, која на крајот ќе ја користат најмалку развиените држави кои ги трпат последиците од климатските промени. За поздрав е високата амбиција на сите држави но важно е будно да се следи имплементацијата на договорите кои се склучија во Глазгов, вели Јовановска.

Таа нагласува дека свеста кај населнието во Македонија во однос на подобрување на состојбата со климатските промени, е на многу ниско ниво.

  • Борбата за климатските промени не знае за граници. Не треба помеѓу населението да владее став дека ние сме мала држава и немаме големо влијание врз целокупната состојба со климата. Ако не почнеме да преземаме акција не очекува недостаток на вода, големи последици врз земјоделието кои веќе почнаа и да се забележуваат поради поместувањето на сезоните. Треба да се работи на тоа да се крене свеста не само кај населението, туку и кај институциите. За поздрав е прирачникот кој го изготви Министерството за животна средина, кој беше прогласен и за најамбициозен на Самитот, но мора истиот да се имплементира, а не да остане само на хартија, вели претседателката на Гоу Грин.

Според неа младите во Македонија се расположени да дадат придонес на темата.

  • Во фокусот на Самитот во Глазгов беа и младите. Кај нас недостасува изучување на климатските промени во рамки на формалното образование. Неопходно е младите уште од најрана воздраст да почнат да ги разбираат поимите и да разликуваат климатски промени од екологија и од аеро загадување за да имаме поефективна акција, објаснува Јовановска.

Напишете коментар

Вашата адреса за е-пошта нема да биде објавена. Задолжителните полиња се означени со *

5 × three =