Гордана Софија: Стартува еко-акцијата „Генералка викенд 2022″

You must need to login..!

Опис

Масовна чистка на ѓубрето во цела Македонија. 26 општини им се приклучија на ентузијастите од проектот „Зелена сончева“ што го спроведуваат Гордана Софија и Ханес Јаецкл, продуцент од Австрија кои ја основаа австриско-македонската компанија „Мен енд маунтен“.

„Генералка викенд“ е најголемата акција за чистење и селектирање отпад и годинава ќе се организира од 6 до 8 мај.

Во акцијата може да се вклучи буквално секој кој се грижи за здрава и чиста животна средина без ограничување на возраста.

Секако не изостанува поддршката и од активните волонтери.

За престојната акција и за деталите во Утрински брифинг разговаравме со Гордана Софија.

-Нашата цел беше да ги вклучиме сите слоеи на општеството, бидејќи само така може да се промени нешто на подолг период. Се сеќавам кога првиот пат пристапивме во Министерството за земјоделство за соработка во односн на посадување на дрва, на садници, реко да, ок, соработуваме, но никој не очекуваше дека со толкава бројка на собрани килограми ќе се вратиме по неколку недели.

-Минатата година во три дена, во десет општини, собравме 175 илјади килограми отпад, Вели Гордана Софија и додава дека ако се земе предвид дека за секои 10 килограми се сади по едно дрво, значи тоа беа 17.500 садници.

-Годинава се вклучуваат 26 општини, вклучени се буквално сите слоеви на општеството, од локална самоуправа до дечињата од градинка, пензионери, активисти, спортски клубови, пожарникари, вели Гордана Софија.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

ten + nine =