🎥📞 Горан Марковски: Инвестициските друштва се наоѓаат во сигурна зона на работењето

You must need to login..!

Опис

Се наоѓаме во специфичен период со пад на светските берзи. Суштината е што се е поврзано со развојот на пандемијата и изгледите за решавање на овој проблем. Пазарите се подредени на тие информации. Оваа година се очекува пад од 10-12% во најголем дел од економиите и едноставно постепено враќање во нормала.

За разлика од реалната економија пазарот на капитал отиде понапред и речиси да се врати на нивото пред кризата, изјави во Утрински брифинг главниот извршен директор, Горан Марковски, Друштво за управување со инвестициски фондови – КБ публикум инвест.

-Златото покажа висок степен на поврзаност со движењето на акциите што не е баш типично. Актуелни вложувања се во компании на технологија, био-технологија и фармација. Тоа се дејности кои се сметаат за сигурни.

Во однос на Македонија препорака е да се изберат економии кои имаат здрави биланси, кои и покрај намалувањето на ефектите би се вратиле во нормала.

Шокот ќе помине и тие компании ќе се вратат во претходната состојба. На берзата март беше месец кога стртавот доминираше, но инвеститори опортунисти кои ги прифатија условите и го искористија времето за вложување. Цените паднаа за 30-40% и беше одлична можност некој да инвестира. Берзата е во процес на враќање во нормала и не е многу поразлична од континенталните европски држава, вели Марковски.

Напишете коментар

Вашата адреса за е-пошта нема да биде објавена. Задолжителните полиња се означени со *

16 − 3 =