Голем интерес за купување државни станови

You must need to login..!

Опис

Агенцијата за стопанисување со станбен и деловен простор гради социјални згради на повеќе локации низ земјава за домување на семејства кои се наоѓаат во социјален ризик. Денеска во Утрински брифинг директорот на Агенцијата најави дека во 2021 година ќе бидат готови повеќе згради во Македонија кои имаат намена социјална намена. 

-Вакви згради се градат во Пробиштип, Кочани, Свети Николе, Виница, во Бутел ќе биде најголема социјална зграда со 314 станови, а наскоро ќе почнеме изградба на социјална зграда во Сарај со 60 станови, Дебар и во Велес. Во овие згради ќе можат да домуваат лица со ниски примања, самохрани родители, приматели на социјална помош. Сите кои ги исполнуваат условите можат да аплицираат во Комисијата за станбени прашања при Владата на Република Македонија. Откако Комисијата ќе одреди решение на одредено лице, ние склучуваме договор со тоа лице, и истото плаќа симболична закупнина, рече Трајковски. Агенцијата гради и комерцијални станови, за кои има голем интерес.Цените започнуваат од 850 евра и продолжуваат да се качуваат по пат на лицитација, а достигнуваат до 1.50 евра за М2.

-Во моментов градиме две згради во Аеродром и за двете згради има огромен интерес, становите се продадоа во рекордно време, односно останаа по неколку станови во двете згради со поголема површина. Сигурноста што ја дава државата како инвеститор на комерцијалните згради како и пониската пазарна цена ги прави привлечни за купувачите. А.Д. е регулатор за цените на пазарот за градба, рече Трајковски. Катните гаражи кои се во надлежност на Агенцијата се сервисираат еднаш месечно.

-Лично јас со приватно возило одам во катните гаражи за за проверам каква е состојбата, дали се сервисираат лифтовите и дали се чистат самите гаражи и дали се осветлени, нагласи Тајковски. Агенцијата иако има изградено нов објект се уште функционира во старите бараки.  -Склучен е договор за купопродажба со службата за општи и заеднички работи и нашата нова зграда ќе биде продадена на оваа служба, која пак ќе треба да ја додели на сите институции на кои им е потребен канцелариски простор. Причина е економската оправданост. Во 2017 година компанијата имаше долгови за изградбата на катните гараи и за новиот објект. Со продажба на зградата, ќе ги вратиме кредитите во висина од 15 милиони евра. Едно е да се изграи комерцијална зграда и од неа да се заработат пари а руго е да имаме административна зграда и да имаме високи трошоци за одржување., информира Трајковски.

За следната година Агенцијата најавува градежна експанзија од комерцијални згради. Ќе се гради голема зграда во Центар на површина од 12.000 квадрати.

Напишете коментар

Вашата адреса за е-пошта нема да биде објавена. Задолжителните полиња се означени со *

2 × four =