Георгиевски: Конкурсот за Роман на годината почнува во среда со истата транспарентност

You must need to login..!

Опис

Конкурсот за наградата „Роман на годината“ за 2021 година, што ја доделува Фондацијата за унапредување и промоција на културните вредности „Славко Јаневски, ќе биде распишан во среда, на 15 декември и ќе трае до 15 јануари 2022 година. Според конкурсот, право на учество имаат романите кои за првпат се објавени на македонски јазик во 2021 година. Конкурсот ќе се распише по 23 пат.

„Бројот на пристигнати романи веќе традицонално се движи околу 40 пристигнати дела. Годинава беше 41 роман, претходно беше 39, пред тоа беше 40 романи што е за жирито прилично напорно. Синоќа, извршниот одбор на Фондацијата го усвои завршниот текст на конкурсот според кој жири комисијата се формира на 15 јануари. Кај нас е прилично тешко да се формира петчелена жири комисија за овој тип на награди, затоа што или станува збор за автори кои имаат романи ви конкуренција, или станува збор за издавачи кои издале романи, така што бројот на квалитетно жири е прилично ограничен. Ние се трудиме секогаш да имаме и полова застапеност и генерациска застапеност, да бидат тоа луѓе со различни естетски критериуми со цел наградата да може да биде што е можно пообјективна. Пред некој година, Оливера Николова ја доби наградата по вторпат, за „Песот со тажен поглед“ и тоа е во овие 23 години и таа единствениот автор што ја добива по втор пат. Тоа покажува дека се создал извесен квалитет во романсиерската продикција во Македонија. Секогаш на жирито му велам да го заборави името на авторот додека го чита романот. Така на приемер, Венко Андоновски кој тогаш не беше толку познат ја доби наградата за својот прв роман „Папокит на светот“, потоа Гоце Смилевски, па Петар Андоновски, Фросина Пармаковска, Николина Шопова и други беа откриени преку Роман на годината“, вели за Утрински брифинг, Ѕвездан Георгиевски, извршен директор на Фондацијата „Славко Јаневски“.

Како долгогодишен новинар и колумнист, Георгиевски на крајот на годината смета дека има многу незадоволни од културните политики што ги спроведува Министерството за култура, особено заради тоа што финансирањето оди по принципот „за сите по малку“ и затоа истите проблеми и капитални проекти се влечат со години.

Повеќе од разговорот погледнете во видеото.

Напишете коментар

Вашата адреса за е-пошта нема да биде објавена.

5 + 8 =