Георгиевски: Германија ја преиспитува политиката „купи гас од Русите, а демократијата ќе им дојде сама“

You must need to login..!

Опис

Вчера имаше една непријатна ситуација кога германскиот претседател Франк Валтер Штајнмајер сакал да патува во Киев, но му било одбиено гостопримство затоа што според Украинците е близок до Русија.

-Беше планирано тој да замине во Киев заедно со претседателите на Балтичките земји, но од Киев му било порачано дека е персона нон грата. Штајнмајер сега има повеќе протоколарна улога, но не станува збор само за неговите сегашни активности туку за минатите поради кои Украинците се иритирани, вели за Утрински брифинг Борис Георгиевски, новинар на Дојче веле.

Штајнмајер, како и Меркел, се залагаа да се купува рускиот гас, но сега се извинија за таа политика „да им го купиме гасот, а демократијата ќе им дојде“. Сега сите признаваат дека тоа е долгогодишна погрешна политика на Германија.

Георгиевски за состојбите во Франција вели дека е олесување што Макрон влегува во вториот круг, а некои сметаат и дека победата против Марин Ле Пен му е обезбедена.

-Не сум сосема сигурен во тоа. Во француското општество има голема поларизација. Таму е традиционално дека се гласа за личност, а не за партијата од која доаѓа таа личност, вели Георгиевски.

Војната во Украина и генералната политика на Русија предизвика повлекување на големите партии, а носители на промените и притисокот за промени кон Украина доаѓаат токму од малите партии, коментира Георгиевскии додава дека се планираат начини како да се замени рускиот гас.

-Имотот на Газпром во Германија е преземен од државата. Има најави дека државата ќе се ослободи од зависноста од руска нафта до крај на годината, вели Георгиевски.

Германија сега е во позиција да ја преиспитува својата политика во последните 20 или 30 години, а на тапет не е само Ангела Меркел. Герхард Шредер е дел од Газпром и ќе биде исклучен од неговата партија, вели Георгиевски за Утрински брифинг.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

eleven + thirteen =