ГАК: Се намалија предвремените породувања бидејќи поради Ковид-19 мајките беа ослободувани од работа

You must need to login..!

Опис

Колку подолго трае бременоста веројатноста да се роди здраво бебе е поголема. Предвременото породување може да биде предизвикано од повеќе ризик фактори, како ризична бременост, проблем со постелката или со папочната врвка, чести причини се и инфекциите или предвременото прскање на околу плодовите обвивки.На оваа тема денеска во Утрински брифинг денеска разговаравме со д-р. Денис Ал Халили, педијатар во одделот за неонаталогија и портпаролката на Гинеколошко акушерската клиника, Драгана Букилица.

-За предвремено родени бебиња се сметаат родените пред 37ма недела, но оваа граница се спушта и како резултат на развојот на неонатологијата и медицината имаме и бебиња родени дури и во 26 недела од кои се добива добар исход. Тоа се сепак најкритичните бебиња со коишто работиме, со родилна тежина од 700 до 900 грама. Имаме доста добри резултати кај бебињата родени од 30 недела и нагоре, а постабилни се родените во 34 до 36 недела, но и тие бараат надгледување бидејќи и кај нив има ризик, рече доктор Ал Халили. Подобрувањето во однос на опремата, кадарот, пристапот кон лекувањето и протоколите кои се користат, има подобрување на исхододот и спуштање на границата кај бебињата што преживуваат.

-За жал, се случува да ги загубиме бебињата кои повеќе страдале во текот на бреноста или оние кај кои има поголем проблем, но добро е што процентот на смртност се намалува. Ако пред неколку години сме имале 20 проценти на смртност кај предвреме родените бебиња, оваа година имаме 11 проценти смртност кај бебињата на интензивна нега кои се во животозагрозувачка состојба. Овие деца ги испишуваме од болница со 2 килограми телесна тежина, што значи поранливи се, бараат повеќе нега и специфичен однос во поглед на капењето, хранењето и негувањето. Но, бараат и прегледи за следење на состојбата како невролошки преглед, преглед на видот и на слухот бидејќи постои ризик и за вакви пореметувања. Сепак наша работа е да ги стабилизираме и да извлечеме максимум од ситуацијата. Бројот на предвемено родени бебиња постојано паѓа.

Според портпаролката на ГАК, Драгана Букилица овој позитивен тренд е благодарение на можноста која Ковид пандемијата им ја овозможи на трудниците, да не одат на работа.

-Се надеваме дека ќе го стигнеме светскиот тренд од само 4 проценти предвреме родени бебиња. Во 2020 имаме 489 мајки кои се породиле предвреме, што е значително помалку во споредба со минатите години кога имавме по 600-700 предвремени породувања. Се чини дека престојот во домашни услови, подолготрајните отсуства од работа како резултат на пандемијата придонесоа за намалување на бројот на предвреми породувања. Работодавците кои порано немаа не ги штедеа бремените работнички, поради пандемијата немаа избор, освен да ги ослободат од работа, а тоа даде позитивен ефект и намалување на бројот на предвреме родените бебиња, нагласи Букулица.

Гинеколошко акушерската клиника е единствениот ковид центар за жени во Македонија, прегледите се одвиваат според слободните термини во системот„Мој термин“. Досега породени се 170 ковид позитивни мајки, бројот на останати пациентки е поголем. На сите пациентки кои треба да бидат хоспитализирани им се прави тест за Ковид, позитивни се изолираат, така што сите пациентки се безбедни, потврдуваат од ГАК.

Напишете коментар

Вашата адреса за е-пошта нема да биде објавена. Задолжителните полиња се означени со *

fourteen + 11 =