Гаговски: Глупости и небулози без никаква научна потврда се шпекулациите за опасноста од 5Г мрежата

You must need to login..!

Опис

Деновиве на социјалните мрежи се споделуваат лажни информации дека Македонски Телеком ја активира тестната 5G мрежа и дека таа има негативно влијание врз здравјето на граѓаните.

Без докази и факти преку споделување лажни вести и стари медиумски написи од 2018 и 2019 година во погрешен контекст, се креира невистинита и негативна кампања за 5G мрежата и се шири непотребна паника во услови кога треба да останеме смирени, велат од Телеком.

Илијанчо Гаговски поранешниот прв човек на канцеларијата на Microsoft во Македонија кој е основач и Директор на PrymApps со професионално искуство повеќе од 23 години работа во ИТ индустријата, за Утрински брифинг вели дека 5Г мрежата има нејонизирачко зрачење и неможе лошо да влијае на нашето здравје.

-Небулозите што се појавија во врска со 5Г го предизвикуваат моето ниско ниво на толеранција и глупост. 5Г е петтата генрација, наследник на 4Г.

-5G е ознака за петтата генерација на безжични комуникациски технологии. 5G ќе ги користи дел од веќе постоечките фреквенции кои се користат и со 4G имено 900 MHz, 1800 MHz, 2.6 GHz и 3.5 GHz. Дополнително, ќе користи френквентни опсези и околу 24 GHz, 28 GHz и 40 GHz, со тоа што најексплоатиран ќе биде опсегот околу 26 GHz. Највисоките фреквенции за кои се зборува се 81-86 GHz, ама тие веројатно нема да бидат mainstream…запамтете ги бројкиве значи…24 до 40 GHz…

-Нов поим – јонизирачко и нејонизирачко (електромагнетно) зрачење.

-Јонизирачко зрачење е такво зрачење кое има доволно енергија да избие електрон од некој атом или молекул и со тоа да го „јонизира“ (јон е атом или молекул со (нето) позитивно или негативно електрично полнење заради загуба на електрон или вишок на електрон, соодветно). Ако еден атом или молекул се јонизира, тој може да ја промени хемиската врска во која дотогаш бил стабилен и да создаде нова хемиска врска. Ако тоа се случи со молекул на ДНК, тоа може да е проблем заради тоа што ќе настане конфиграција на ДНК-то која не ја носи оригиналната инфромација хемиски закодирана во неа, што може да доведе до несакано однесување во конкретната клетка на пример клетката да се „збудали“ и да се претвори во рак.

-„Јонизирачко зрачење“ значи – „лошо“

-Нејонизирачко зрачење е пак такво да НЕМА енергија да избие електрон од атом или молекул. Тоа значи дека НЕ МОЖЕ да ја растури хемиската врска на молекулот на ДНК и НЕ МОЖЕ да предизвика рак.

-„Нејонизирачко зрачење“ значи – „немај гајле“

-Кое зрачење е јонизирачко, а кое не е. Јонизирачко зрачење почнува на крајот на ултравиолетовиот дел на спектарот, веднаш под Х-зраците. Затоа сунчање без заштита долго време, може да предизвика рак на кожа. Рентгенска снимка (х-зраци) носи ризик, ама само ако е долготрајно и/или често. Ќе зрачи на 40 GHz или во делот на сликата кој вика Microwave т.е. длабоко во делот на спектарот кој е НЕЈОНИЗИРАЧКИ.

-Сега ќе се зголеми фрекфенцијата, таа останува во истата класа на зрачење, значи нема никаква опасност.

Напишете коментар

Вашата адреса за е-пошта нема да биде објавена. Задолжителните полиња се означени со *

twelve + 17 =