Вчков: Туристичките агенции се во огромни загуби – ни останува да се надеваме дека што побрзо ќе заврши ова „лудило“

You must need to login..!

Опис

-Се надеваме дека ќе спадне пикот, дека работите ќе тргнат на подобро и останува да посакуваме да одиме на одмор летово. Како туристички агенции ние уште минатата година ги имаме направени догворите за оваа сезона. Имаме дадено 20-30% капар за целата сезона. Значи од старт сме во загуба, односно ги имаме потрошено парите кои планираме да ги заработиме во текот на сезоната, изјави за Утрински брифинг Ѓорѓи Вчков, сопственик на туристичка агенција.

-По отворањето на границите ќе мора веднаш да се растррчаме по соседството и да видиме што можеме да спасиме, заради тоа што дадените пари нема да ни ги вратат, вели Вчков.

-Според тоа како се одвиваат работите, многу луѓе од страв, а планирале да ги посетат италија или Шпанија, ќе се свртат на посигурни или внатрешни дестинации. Тоа сега ќе почне да станува тренд помеѓу понудувачите на туристички капацитети – која земја или област имала помалку случаи на КОВИД-19. Турците почнаа да рекламираат хотели со сертификати за исчистеност. Грците ќе бараат и здравствен пасош со кој што ќе треба секој турист да покаже дека е здрав, со претпоставка дека во Грција сите се здрави.

Според она што го знаеме, во Грција секој ден излегува на телевизиите вирусолог кој кажува каква е ситуацијата и ги дава препораките. Тие имаат објавено веќе дека на 15 мај ќе бидат отворени внатрешните граници во ЕУ. Но ние не сме таму, ние сме делот од надворешните граници, додаде Вчков.
Не знаеме ни дали до средината на Јули ќе почне за нас сезоната.

Рестартот на туристичката сезона ќе биде многу бавен и најверојатно во најделикатна состојба. Во однос на отпуштање на работници Вчков вели дека кај него нема да има отпуштања.
-Во однос на тоа што ќе правиме ние, постојат мерки од владата. Тие средства ќе може да ги вратиме доколку има обрт. Во оваа туристичка сезона ќе мора да гледаме да ги покриме трошоците. За правење планови за наредната година тешко е да се прогнозира.
Околу т.н Ковид – пасош, Вчков вели дека до сега не е спомнат за патничкиот превоз.

-Единствено е спомнато за поаѓање од аеродром кон Грција. Туроператорите немаат многу податоци во врска со ова прашање.

Напишете коментар

Вашата адреса за е-пошта нема да биде објавена. Задолжителните полиња се означени со *

13 + 11 =