Влажни марамчиња, градежен шут и остатоци од храна се главен непријател на канализацијата

You must need to login..!

Опис

Влажните марамчиња, остатоците од хранам дури и градежен шут и остатоци од асфалт често завршуваат во канализационата мрежа. Овој проблем во функционирањето на канализацијата го предизвикуваат несовесните граѓани и компании, рече денеска во Утрински брифинг раководителот на секторот Канализација во ЈП Водовод и Канализација, Саша Атанасов.

-Проблемот мора да почне да се реша од домаќинствата. Секој од нас треба да биде свесен за штетата која ја предизвикува со секоја фрлена влажна марамица во одводот, тоа посебно се забележува во време на пандемија кога е зголемена употребата на истите. Поразително е тоа што се фрлаат дури и пелени, а во ревизионите шахти се фрла дури и градежен шут, а честопати и остатоци од асфалт кој откако ќе се стегне е многу тешко да се отстрани. Среќа што имаме специјални возила со вакум и притисок но честопати мораме и рачно да ги чистиме запушените одводи, објаснува Атанасов.

Канализацијата во Скопје е со должина од 1.100 километри, од неа 7 посто е фекална канализација, а 30 посто е атмосферска канализација. Во оджувањето на истата помагаат 48.000 ревизиони шахти и околу 20.000 сливници со решетки кои овозможуваат одведување на атмосферските води од коловозите.

Напишете коментар

Вашата адреса за е-пошта нема да биде објавена. Задолжителните полиња се означени со *

14 − 1 =