🎥📞Витошевиќ: Решивме да го слушаме пулсот на времето и да одиме проактивно – „Илузии“ – прва онлајн претстава

You must need to login..!

Опис

Во четврток (11 јуни 2020), независниот „Wonderland Theatre“ од 20 часот ќе ја има својата прва театарска премиера онлајн. Претставата е насловена „Илузии“ и е работена според мотиви од истоимената драма на најпознатиот современ руски писател Иван Вирипаев.
„Илузии“ е во режија на Нела Витошевиќ, а улогите ги играат актерите Драгана Лошкова, Ивана Павлаковиќ, Никола Настоски и Исмет Шабановиќ. Монтажата ја направи Васил Христов, а музиката е на Огнен Анастасовски.

Претставата ќе се стримува од 20 часот на YouTube каналот на Wonderland Theatre каде потоа ќе биде достапна за прегледување за заинтересираната публика.

Режисерката Нела Витошевиќ за Утрински брифинг изјави дека на некој начин ова е презентирање на новата стварност.

-Новото нормално беше предизвик за истражување, потрага по нови форми, за што сметаме дека треба да биде единствена појдовна точка на секој уметник. Констатно се информиравме што би се случувало со театарот после пандемијата и решивме да го слушаме пулсот на времето и да одиме проактивно. Го истражувавме виртуелниот простор и се роди несекојдневен продукт кој се надеваме дека на публиката ќе и се допадне“, вели Витошевиќ.

Напишете коментар

Вашата адреса за е-пошта нема да биде објавена. Задолжителните полиња се означени со *

8 + one =