Вистинско време за подарување – УТМС мотивира и инспирира и други компании да бидат општествено одговорни

You must need to login..!

Опис

Деновите во кои одбројуваме до пречекот на Новата Година, им даваме медиумски простор на хуманите граѓани и иопштествено одговорни компании, кои со свој придонес им ги разубавуваат празниците на оние кои немале многу среќа во животот.

Во пресрет на „месецот на подароците“, месецот кога секој заслужува свечена трпеза и размена на подароци за мало меѓусебно внимание Универзитетот за туризам и менаџмент УТМС како општествено одговорна компанија се приклучи кон поддршка на оние на кој им е најпотребна.

Даниела Трајковска од УТМС денеска во Урински брифинг зборуваше за активностите кои ги реализирале.

Поддршката во форма на подароци беше насочена за младите лица пораснати без родители и родителска грижа од здружението За тебе. За таа цел беа овозможени ваучери за гардероба која младинците секако сами си ја одбраа. Знаете. многу полесное кога се помага и се подарува во форма на парични средста или подароци, но многу поголема помош е кога се инвестира време и посветеност посебно на оваа целна група на млади без родителска грижа. Токму затоа нашата форма на поддршка кон ова здружение е преку директна работа со овие млади лица, преку образование, но и преку практична работа ги поддржуваме и внесуваме во деловниот свет. Преку создавање на работни навики, одговорност, посветеност, деловно однесување и деловна култура. Ова е нешто што им е најнеопходно на овие млади лица за да можат цврсто да чекорат по патот наречен живот, вели Трајковска.

Професорите заедно со студентите учествувале во подготовка на оброци за бездомниците.

  • Преку здружението Вистински дела на љубезност и Ретвитни оброк, ние како компанија се пријавивме за подготовка на топол оброк на бездомниците. Интересно во оваа хуманитарна акција беше што освен со финансиски средства и набавка на продуктите за тие оброци, учествуваме и со подготовка на оброците и тоа здружено тимски се беше подготвено од вредните раце на професорите и студентите, вели Трајковска.

Преку фондот за стипендирање „Проф. д-р Љубе Миленковски“, УТМС обезбедува стипендии на млади луѓе.

  • Основањето на Фондот „Проф. д-р Љубе Миленковски“ е од особено значење за талентираните студенти кои немаат финансиски средства, а сакаат да си обезбедат квалитетно образование. Би тргнала од мислата на Ректорот на УТМС проф. Д-р Аце Миленковски дека темелот или столбот на едно општествое е образованието и дека само квалитетно образование може да овозможи здрава, цврста и просперитетна младина, а со тоа и просперитетно општество во нашата Репулика Македонија. Тргнувајќи од овие цели тоа и во чест на Проф. Д-р Љубе Миленковски, човекот кој секогаш несебично ги подржуваше младите во напорите да израснат во професионални, самоуверени, личности, личности кои се лидери во животот и знаат што сакаат и што бараат од себе и од другите, во 2007 година донесе одлука за оснивање на Фонд со име „Проф. д-р Љубе Миленковски“. Со тоа обезбеди поддршка и дава помош во развојот на образованието и науката на Република Македонија преку стипендирање на талентирани ученици и студенти кои постигнуваат високи резултати во учењето и студирањето, во организирање на разни активности и проекти од областа на образованието и науката со кои се придонесува за подигање на квалитетот во образованието и науката, додава Трајковска.

Напишете коментар

Вашата адреса за е-пошта нема да биде објавена.

seventeen + eighteen =