🎥📞Велковска: Почнува акција на доделување 500 вегански оброци на загрозени категории на граѓани

You must need to login..!

Опис

Здружението за заштита на животните и животната средина Е.Д.Е.Н. во соработка со „Веган 365 Кујна“ до крајот на месецот и во јуни ќе додели вкупно 500 вегански оброци на загрозени категории на граѓани на територија на Град Скопје, информираат од Е.Д.Е.Н. Оваа акција е во рамки на проектот „Промени ја исхраната, промени го светот“, поддржан со ад хок грант од програмата „Цивика мобилитас“.

-Целта е да се намалат последиците предизвикани од Ковид-19 кризата, така што ќе се задоволат дел од основните човекови потреби кај социјално загрозени и маргинализирани категории граѓани, особено кај семејствата каде што или еден или повеќе од членовите изгубиле работа. Е.Д.Е.Н. ќе дели балансирани и хранливи вегански оброци изработени со љубов и посветеност од целосно природни и здрави состојки. Свесни сме дека храната е еден од најважните фактори кои влијаат врз човековото здравје, но и врз животната средина и врз животните, затоа Е.Д.Е.Н. цели кон редуцирање на антропогениот притисок врз животната средина и животните предизвикан од исхраната со животински продукти, изјави за Утрински брифинг, Драгана Велковска, активистка за заштита на животни и животна средина.

Велковска информира дека акцијата за донирање 500 вегански оброци ја започнуваат во соработка со „Една може“ и ќе бидат доделени вегански оброци на самохрани мајки и еднородителски семејства.

Напишете коментар

Вашата адреса за е-пошта нема да биде објавена. Задолжителните полиња се означени со *

4 × four =