Велигденско дрво на желби за лицата со попреченост

You must need to login..!

Опис

Традиционалното велигденско волшебно дрво на желби од вчера е поставеново трговскиот центар „Рамстор“.

Хуманитарната акција шеста година   по ред е организирана  од Црвениот крст на Град Скопје во соработка со ЈУ Меѓуопштински центар за социјални работи на град Скопје,  а е наменета за корисниците од Дневниот центар за лица со церебрална парализа и Дневен центар за лица со интелектуална попреченост над 18 години “Пролет“.

Марио Стојчевски, од Црвениот крст на Град Скопје денеска во  Утрински брифинг информираше дека  хуманитаната акција ќе трае до 27.04.2021, каде што сите посетители на Рамстор Мол ќе имаат можност да одберат едно или повеќе хартиени велигденски јајца од “Волшебното велигденско дрво“, на кое се напишани желбите на корисниците од Дневниот центар за лица  со церебрална парализа и Дневниот центар за лица со интелектуална попреченост над 18 години “Пролет“ и да исполат нечија желба. 

-На дрвото се закачени  желби  на картички во форма на лампиони. Желбите се скромни и симболични. За нас е тоа  малку и  не е тешко да се исполни, но за нив значи многу. Најчесто посакуваат облека, и  многу  ми е мило  што никогаш не се случило нечија желба да не биде исполнета. За тоа упатувам голема благодарност до хуманите граѓани и до  општествено  одговорните  компании, вели Марио. Изминатите години подароците беа доделувани на  голема забава,  но  оваа година поради состојбата со пандемијата забавата ќе изостане, а подароците ќе ги врачат волонтерите на Црвениот крст. Дополнително,

Црвениот крст ќе постави и Бајрамски цвет кој ќе ја има истата намена,да исполнува желби.

Напишете коментар

Вашата адреса за е-пошта нема да биде објавена. Задолжителните полиња се означени со *

four × five =