Васко Ташковски: Досега имам 12 000 скици и уште ме држи инспирацијата

You must need to login..!

Опис

Ретроспективната изложба на академик Васко Ташковски во Даут-пашин амам е можност за средба со околу 140 негови дела од различни творечки фази. Заради големиот интерес за оваа ретроспективна изложба, во која можат да се видат и досега неприкажувани дела, Националната галерија на Република Северна Македонија објави дека ја продолжува до 15 јануари.

„И јас не се надевав на толкав интерес за отворањето на мојата ретроспективна изложба затоа што сметав дека поради короната луѓето нема да можат да дојдат, но ме радува што и после отворањето има интерес, особено од млади луѓе, студенти, ученици. Обично ретроспективи се правата на крајот на кариерата, кога авторот кажал тоа мислел да каже. Тогаш се прават ретроспективи, а се прават и монографии, затоа што треба да имаш еден заокружен опус – да може да се види целото творештво од почеток до крај. Па така, оваа изложба беше и момент за промоција на мојата последна пета монографија, „980 слики во масло“. Она што е важно за вакви ретроспективни изложби е што се изложуваат не само најновите, туку и слики од 40 или 30 години, па некои луѓе ме прашуват како е можно да преминеш од тоа до ова сликарство, посветол колорит итн. Имам еден циклкус еколошки теми и со антивоени теми. Некои што се работени пред 30 или 20 години, сега се првпат изложени и јавноста првпат може,да ги види“, вели за Утрински брифинг академик Васко Ташковски.
Иако на 84 – годишна возраст, Ташковски вели дека уште од студентските денови прави скици по совет на еден свој професор и дека досега ги има над 12 илјади на број идејни скици.
„Тие скици ги нарекувам визуелни размислувања, почнав во студентските денови и така продолжив до денес и ми се изворите, размислувањата. Прво тоа беа некои космички теми и ме нарекуваа сликар на космосот, потоа се спуштив на земјата и почна да ме преокупира екологијата како тема, а во македонската уметност влегов со затворен гард, критиката во тоа време не ми беше наклонета, и си реков или ќе се изгубам или ќе испливам“, додава Ташковски.


Повеќе од разговорот погледнете во видеото.

Напишете коментар

Вашата адреса за е-пошта нема да биде објавена.

two × three =