Богојески: Добив отказ од МО поради споделена вест од медиум

You must need to login..!

Опис

Деновиве беше објавено дека Петар Богојески од Македонски концепт бил отпуштен од работа во Министерството за одбрана. Тој за Утрински брифинг вели дека станува збор за системска дискриминација против вработени во МО. Богојевски вели дека веќе има пет кривични пријави за различна тортура, шиканирање, распоредување на пониски места и други проблеми поврзани со работни односи а само поради изречен спротивен став.

-Имаше еден случај на лице од Армија кој се изложуваше во јавност а не смееше, за разлика од цивилниот персонал. Службениците немаат никаква пречка да бидат партиски активни и да даваат изјави во јавноста, за разлика од офицерите, вели Богојески.

Богојески појаснува дека отказот го добил поради споделена вест од медиум поврзана со руското влијание врз евроитеграциите на Македонија и МПЦ-ОА.

-Поднесена е претставка против мене од друго лице до работодавецот. За тоа треба да има прекршување на работната дисциплина. Потоа таа претставка е повлечена. Ситуацијата е како судот да ве суди за повлечена тужба, вели Богојевски.

Богојески вели дека процедурата на жалби и тужби продолжува, но сака да посочи луѓето да не се плашат од овој случај и да се приклонат кон автоцензура.

-Ако претходно кога го критикував груевизмот ме обвинуваа дека соработувам со СДСМ и дека станува збор за внатрепартиска борба во ВМРО-ДПМНЕ, дали сега ќе ме обвинат дека соработувам со ВМРО-ДПМНЕ?, вели Богојески за Утрински брифинг.

Проследете го целиот разговор во видеото

Напишете коментар

Вашата адреса за е-пошта нема да биде објавена.

8 − five =