Битиќи за УБ: Работиме на системски решенија – како ниедна Влада ги вклучуваме сите страни во преговорите

You must need to login..!

Опис

Очекувањата се одредени проблеми е да се раешаваат побргу. Има два начини на решавање – ад хок решавање со многу пи-ар за луѓето да променат перцепција и другото е системско решавање на проблемите кое е поспоро, но подолгорочно и подолготрајно. Ние работиме на системските решенија, изјави за Утрински брифинг Фатмир Битиќи, заменик претседател на Владата на РСМ.

Очекуваме неделава да ги завршиме консултациите со сите засегнати страни. Мислам дека како ниедна влада се залагаме да се вклучат сите страни. Дури и оние кои не беа организирани сфатија дека треба тоа да го почнат и дека само преку органзиирана форма можат да се слушнат, вели Битиќи.

Работодавачите сметам дека имаа доволно информации за да разберат дека помошта која ја дававме не беше безусловна и неповратна. За да стане неповратна помошта, таа имаше и услови. Така што ние не можеме да прејудицираме како ќе работат компаниите, таму имаше услов дека ќе станат неповратни средствата ако финансираат и инвестираат во човечки ресурси, во стандардизација, технолошка опрема, производство за во супштина да докажат дека се грижат за тие кои треба да ги одржат. Сега велиме дека одговорноста ја споделуваме и ќе направиме системско решение. Работодавачот има можност да дојде до средства, да ги искористи за истата цел и секако дел од нив да станат неповратни доколку се исполнат одредени услови, вели Битиќи.

Стопанските комори кои се клучните чинители за претставување на стопанството во државата се задоволни. Повеќе говориме за одредени услови кои треба да бидат ставени во мерката одошто целосно да ја отфрлиме, за разлика од помалите сектори во стопанство кои имаа негативни реакции. Кај Стопанските комори имаме претставници на микро и малите претпријатија. Северна Македонија е една од ретките земји во регионот која што има донесено четири пакети на економски мерки. Толку е капацитетот на државата. Го носиме петтиот пакет и јас реков, доколку продолжи кризата и воочиме дека е потребно, ние ќе имаме нови пакети на мерки, смета Битиќи и додава дека со мерките е допрено до работниците.

-Ние заштитивме значителен број на работни места. За жал ние сепак изгубивме голем број на работни места, но механизмот не можеше повеќе да направи, вели Битиќи.

Во новите мерки има една голема операција, а тоа е бришење на старите долгови, која што навистина ќе ги засегне најзагрозените, кои за жал влегле на прагот на сиромаштија и не можат да излезат од тие долгови. Вчера говорев за ситемско решение. Министерството за труд ги почна системските решенија пред две и пол години со реформата во социјалата. Не можеш да креираш политики кои креираат сиромаштија. Не можеш да кажеш дека се грижиш за социјалната категорија на луѓе и да им даваш 4.000 денари. Затоа ние направивме квантен скок од 300% и социјалната помош е 12.000. Не е доволно но е различно. Истото го направивме и со минималната плата, вели Битиќи.

Она што е праведно да биде и правично – странски инвеститори кои не ги исполниле условите, не може ние да ги молиме да остануваат во државата. Договорите не се раскинати од нивна страна, туку ние како влада ги раскинуваме. Екслузивно најавувам и зборувам за инветиција од 300 милиони евра -е дната се заснова на стратешка инвестиција, другата е странска инвестиција. Двете се поврзани со металуршката индустрија. Едната е американска компанија која дојде од Питсбург. Ќе повторам, на добар пат сме, она што сме го изгубиле 30 години, ќе почекаме година до година и пол и ќе направиме основа за понатамошен развој, изјави Битиќи.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

two × 5 =