Бислимоски: Во 2021 очекуваме зголемена потрошувачка на електрична енергија и природен гас

You must need to login..!

Опис

Производството што го предвиде ОПЕК во декември го промени и го намали и очекуваме зголемување на цената на нафтата на светските берзи што ќе се рефлектира и кај нас. Поради поголемата цена на дизелот на светските берзи, вчера кај нас акцизата беше намалена за еден денар. Тоа е концептот кој што е воведе – како расте цената на светските берзи, акцизата да се намали, изјави во Утрински брифинг, претседателот на Регулаторната комисија за енергетика и водни услуги (РКЕ), Марко Бислимоски.

Оваа година имавме исклучиво лоша хидреологија и затоа проблеми во делот на обезбедувањето на потребите од ЕСМ. Како и да е, последниве денови и Олсомеј е во погон и тоа што е за домашниот пазар се произведува 100% од домашно производство, вели Бислимовски и додава дека карактеристично за оваа година е што ќе имаме рекордна потрошувачка на природен гас, пред се од Те-То.

Податоците од компаниите покажуваат зголемување на потрошувачката на електрична енергија и природен гас и нема да има проблем тие количини да се обезбедат. Очекувањата се дека ќе имаме зголемена потрошувачка на електрична енергија и природен гас, пред се во индустријата, вели Бислимовски.

Факт е дека имавме еден од најкатастрофалните стартови на грејна сезона, иако добивме уверување од сите компании дека се подготвени за добар старт. Добро е што тие проблеми се надминаа и од сега системски ќе се решава проблемот. Ќе се воведе измена на мрежни правила за дистрибуција на топлинска енергија, каде што и пред почетокот на грејната сезона во погон ќе бидат ставени капацитетите за топлинска енергија со цел уште пред почетокот на сезоната да се утврди дали има проблеми во зградите, додава Бислимовски.

Напишете коментар

Вашата адреса за е-пошта нема да биде објавена. Задолжителните полиња се означени со *

16 − 13 =