Бесфорт Идризи: После изборите ИВЗ може да стави клуч на Албанскиот театар за деца и млади

You must need to login..!

Опис

Откако Исламската верска заедница ја презела сопственоста врз објектот на Албанскиот театар за деца и млади во Старата скопска чаршија, нема образложение што ќе се случува понатаму со оваа Национална установа под надлежност на Министерството за култура. Актерот Бесфорт Идризи, кој беше в.в. директор на овој единствен театар за деца и млади на албански театар на социјалните мрежи апелира да се разреши ситуацијата. Директорката на Театарот, Дијана Тоска не сака да ја коментира ситуацијата и упатува на надлежните.

„Тие надлежни: директорката Тоска, министерката за култура, министерот за финансии, треба да дадат одговор како е можно уште пред пет месеци да се променила сопственоста во Албанскиот театар за деца и млади и за тоа да не се знае во јавноста. А ако Министерството за култура и директорката пет месеци не добиле известување, можно е никогаш да не го добијат или да го добијат кога ќе биде доцна. Театарот работи веќе 20 години, прво како здружение на граѓани, за да во декември 2019 добие статус на Национална установа, а во април 2020 година го добива објектот во Старата чаршија и е внесен во Катастарот. Само по една година се носи одлука за денационализација, која што е незаконска затоа што Законот за денационализација вели дека не може да се даде имот кој што е од јавен интерес, туку се дава надомест во вид на друг имот со иста вредност. А зошто директорката не сака да даде изјава за ова, само отвоара простор за сомнеж дека се работи не за правна, туку за политичка односно партиска одлука. Театарот ќе продолжи да постои како правен субјект, не може да не постои поради објектот, но како на какво начин ќе работи – тоа навистина е под голем знак прашалник“, вели за Утрински брифинг, Бесфорт Идризи, актер, кој беше в.д директор на Театарот.

Тој додава дека Албанскиот театар за деца и млади е единствениот во државата и сега со одземањето на објектот, тој на некој начин, се уништува.

„Невозможно е Министерството за култура да нема став за овој проблем, а уште повеќе што од Театарот нема иницијатива да се поднесе жалба на таа одлука, што не’ доведува до заклучок дека не се работи за грешка, туку тоа е направено намерно со сосема друга цел. Сега имаме ситуација од готово – вересија, театарот си стопанисуваше со објектот за да наеднаш ние да молиме и да зависиме од добрата волја на некој друг. Така што нема да ме зачуди ако после изборите, ИВЗ ги смени бравите и Театарот да остане на улица“, додава Идризи.

Напишете коментар

Вашата адреса за е-пошта нема да биде објавена. Задолжителните полиња се означени со *

13 + 9 =