Бабовски: Прекината е праксата на злоупотреби со европските пари во аграрот

You must need to login..!

Опис

Како се создаваат и како се враќаат парите на буџетските потрошувачи и апликанти. Аграрот секаде во Европа е субвенциониран, но ние во еден момент се доведовме во ситуација, субвенционирањето на аграрот да го сведеме како социјална мерка, а не како процес на проширување на површините и растеж на одредени гранки кои се врзани за аграрот. Се уште преовладува ставот дека Македонија и покрај огромниот број на субвенции барем во последниве три години е над 300.000.000 се уште има дебаланс помеѓу увозот и извозот на храна.

Гостин во Утрински брифинг беше Никола Бабовски, директор на Агенција за финансиска поддршка во земјоделството и руралниот развој.

Кога говориме за државните средства или просто кажано народните пари и делот на парите кои доаѓаат од европските обврзници преку ИПАРД програмата се околу 400.000.000 евра пласирани средства во аграрниот сектор. ВО рок од две години и 6-7 месеци да пласирате толкава свота на пари, ретко која банка во Македонија има пласирано толку средства, изјави Бабовски на прашањето колку пари се исплатени додека е тој директор и каде тие пари се потрошени.

Доколку го земеме аграрот како една целина, голем дел од корисниците на овие мерки се од ранливи категории, но имаме луѓе кои што заслужиле своите средства да си ги добијат. Најдовме една ситуација каде што заклучно и со денес, исплативме заостанати обврски, по сите програми, заклучно со Програма 16, од 66,9 милиони евра.

Тоа се средства по основ на ненавремено исплатени субвенции од претходната влада на Груевски. Нема година, започнувајќи со 2017, иако во август започнавме, заклучно 2019 реализацијата на буџетот е преку 99 проценти.

Тука морам да одговорам на обвинувањата на Трипуновски и ќе кажам дека единствено нешто на кое што никој не може да му најде забелешка е проектот зелена нафта.

Напишете коментар

Вашата адреса за е-пошта нема да биде објавена. Задолжителните полиња се означени со *

5 + three =