Владата да обезбеди услови, а бизнисмените да се фатат за работа

You must need to login..!

Опис

Бизнисот во овие ковид услови оди лошо. Во глобални услови економијата е падната на ниско ниво. Транспортот за Русија оди тешко и за разлика од 2019 година намален е за 75%. Не е изработена ни четвртина од тоа што требаше да биде изработено, изјави во Утрински брифинг Тони Ацевски, професионален возач на камиони и сопственик на транспортната фирма „Тони Транс“ од Скопје.

Проблемите се обострани. Се однесува на цените на продуктите. Се уште држиме средни цени кога се работи за извоз. На светските берзи цената на нафтата се менува, рубљата поскапе и не им е баш погодена цената да купуваат, па затоа и нашите продукти им доаѓаат многу поскапи од тоа што се, вели Ацевски.

Од една страна она што го прави владата за помош на малите претпријатија како што сме ние е позитивно, но не ме радува многу, затоа што државата не е должна да ни плаќа некави доприноси доколку јас не сум рентабилен. Таа би можела на други начини да помогне, со тоа што ќе го зголеми обемот на работа. На нас ни е потребна работата, а не да не финссираат за да преживееме, додава Ацевски.

Се појавува луѓе кои како да очекуваат дека некој е должен да плати за да може да преживееме. Говорат дека се во депресија дека не можат да работат, а всушност јас таа депресија би ја дефинирал како мрза и недоволна активност во своите сфери. Прво народот станува таков, па потоа владата. Владата пробува нешто да направи, но нас ни е потребна континуирана работа, да можеме сите да твориме. Може да ни дадат еднаш два пати, но без даночни обврзници таа влада не може да се храни, а со тоа нема да има ни што да ни плаќа. Јас разбирам да се помага на луѓе со инвалидитет, на деца без родители, на социјални случаи, но на нас здрави и прави не гледам причина зошто би ни давала пари, смета Ацевски.

Целиот разговор со Ацевски погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

18 + 6 =