Африкански бран ја зафаќа Македонија – Славчо најавува повисоки температури

image

You must need to login..!

Опис

Денес времето во Македонија ќе биде сончево и топло со мала локална облачност. Од пладневните часови ќе има локален развој на нестабилна облачност проследена со пороен дожд, грмежи, засилен ветер и услови за локално НЕВРЕМЕ проследено со силен ветер, електрични празнења и појава на град. Максималните дневни температури на воздухот ќе се искачуваат во интервалот од 26 до 34 степени.

Во Скопје и околината попладне ќе има услови за локален пороен дожд и грмежи. Максималната дневна температура на воздухот се очекува да се искачи до околу 31 степен.

Потоа до крајот на оваа недела во попладневните часови ќе има локален развој на нестабилна облачност проследена со пороен дожд, грмежи и засилен ветер. Локално ќе има услови за појава на НЕВРЕМЕ проследено со град , електрични празнења и силен ветер. Постабилна атмосфера ќе имаме во текот на следната недела, додека температурите на воздухот и понатаму ќе бележат тенденција на пораст, и тоа под влијание на бран од Африка кој продира кон нашата држава.

На самиот крај од оваа и на почетокот од следната недела максималните дневни температури ќе се искачуваат во интервалот од 29 до 37 степени. УВ ИНДЕКСОТ ќе има МНОГУ ВИСОКА, ДО ЕКСТРЕМНА ВРЕДНОСТ и ќе има коефициент некаде од 9 до 10.

Напишете коментар

Вашата адреса за е-пошта нема да биде објавена. Задолжителните полиња се означени со *

5 × two =