Арсов: Рецесија во светот не може да ја одмине и македонската економија

You must need to login..!

Опис

За светските тенденции во економската криза кои се одразуваат и врз нас, во денешен Утрински брифинг разговаравме со проф. Сашо Арсов, професор по финансиски менаџмент на Економскиот факултет при УКИМ.

-Силна е меѓународната конфронтација проследена со сериозни кон една од најголемите економии во светот. Тоа и нас нѐ засег преку снабдувањето со нафта, гас и зејтин. Сите тие санкции ќе имаат последици врз македонската економија. Ако навистина дојде до банкротирање на Русија, а Русија веќе почна да исплаќа долгови кон обврзници во рубљи тоа може да се смета за несолвентност, нашата држава нема да биде засегната оти нашите резерви се во евра. Но, може да бидат засегнати фирмите кои имаат побарувања од Русија, коментира проф. Арсов.

Во однос на извесноста од рецесија, проф. Арсов вели дека САД се на раб од рецесија поради големата инфлација, а Германија има проблем со обезбедување на енергенси. Тешко е со сигурност да се предвиди како ќе се одвива таа ситуација со евентуална светска рецесија и не е можно нас да нѐ одмине, вели Арсов.

Проф. Арсов се осврна и на проблемот со инфлацијата и буџетскиот дефицит како фактор на инфлацијата.

Граѓаните чуваат пет милијарди евра депозити во деловните банки. Проф. Арсов вели дека не станува збор за пари кои се чуваат во банките, туку банките ги пласираат во форма на кредити. Банките мора да ги вложуваат средствата на начин што ќе им обезбеди солвентност. Така, при издавање на државна обврзница државата мора да понуди атрактивност, а инвеститорите да ѝ веруваат на државата.

Напишете коментар

Вашата адреса за е-пошта нема да биде објавена.

14 + four =