Антиродовите и антифеминистчките движења пласираат лажни информации – граѓаните треба да добро да се информираат

You must need to login..!

Опис

Од Ацоцијацијата ХЕРА апелираат граѓаните, а особено родителите и младите луѓе да ги земат со голема доза на претпазливост и да ги проверуваат сите информации кои се однесуваат особено на сеопфатното сексуално образование, но и репродуктивните права на жените заради лажните информации што се шират најчесто на социјалните мрежи.

„Забележуваме дека и кај нас стгнало антифеминистичкото движење кое глобално, во светот постои веќе десетина години. Она што е заедичко за сите антифеминистички движења во различни држави, особено во Америка, Европа па дури и Африка е дека прилично агресивно и неуморно се борат против основните човекови права, пред се’ мислам на женските права, репродуктивните слободи, односно правото на абортус, пристапот до информации за сексуалното и репродуктивното здравје. Овие антифеминистички движења многу успешно функционират во некои во земји како Италија, Шпанија, Хрватска, Бугарија, Полска, Унгарија, Турција, Русија и една и од нивните клучни одлики е што истовремено се спротивставува на исклучително важни документи, како што е на пример Истанбулската конвенција. Овие движења се финансираат од различни извори, во игра се и САД и некои руски олигарси, но целта е да се задржи постојниот патријахален поредок и да се одржи нееднаквоста помеѓу мажите и жените, односно да не се наруѓат односите на моќ кои веќе постојат или како што кажуваат овдешните наши такви движења – да не се загрозат традиционалните семејни вредности“, вели за Утрински брифинг Андријана Папиќ Манчевa од ХЕРА.

Таа вели дека овие движења кај нас иако се претставуваат како заштитници на правата на децата, нивните ставови за сеопфатното сексуално образование се полни со ксенофобија, расизам и нетолеранција и се базирани на теории на заговор поради што го загрозуваат јавното здравје и предизвикуваат неоснован страв и паника кај граѓаните.

„Граѓанскиот суд донесе пресуда против здружението „Од нас за нас“ за сторена клевета против ХЕРА поради континуирано изнесување невистинити факти за самата организација и за сеопфатното сексуално образование. Она што ние го забележавме на нивната Фејсбук страница е и погрешно преведени документи со цел да се оцрни сеоофатното сексуално образование и работата на ХЕРА. Истовремено се појавија и други групи. Оние антифеминистички движења кај нас неодамна објавија дека се здружуваат со уште неколку организации меѓу кои ќе препознаете и неколку конзервативни партии и луѓе за кои Комистијата за спречување и заштита од дискриминиација веќе издала свое мислење дека се обраќаат со дискриминаторски говор и здрженија кои во 2013 година беа против правото на абортус, додава Манчева.

За повеќе од разговорот, погледнете го видеото.

Напишете коментар

Вашата адреса за е-пошта нема да биде објавена.

12 − three =