Андоновиќ: Украина и Русија – Кој кого ќе нападне?

You must need to login..!

Опис

Додека Русија тврди дека ги повлекува војниците од украинската граница, и ликува дека Западот е поразен „без ниту еден испуканкуршум “, официјален Киев се уште стравува од можна инвазија. Војниците се повлекуваат од две стратешки важни позиции, но на третата важна стратешка позиција се трупа дополнителен број на војници и опрема: Се работи за повлекување на руските војници од Белорусија и од Кирм каде се изведуваа воени вежби но третата важна стратешка позиција, Курската обласѕт кон Украина се попоплнива со допоплнителни трупи Западот, однсно САД и НАТО бараат конкретни докази од Русија дека се повлекува, и останува нејасно дали снимката од повлекувањето на армијата е фалсификувана и што значи таквиот потег на Русија за решавање на украинската криза.

САД ја обвинија Русија дека повлекувањето е лажно,и излезе со докази дека Русија стационирала дополнителни 7000 војници во близина на границата со Украина
Од друга страна и проруските сепаратисти во реоните на Доњецк и Луганск обвинија дека Украинската армија, наводно, со часови ги гранатирала Луганск и Доњецк.

Бунтовниците поддржани од Русија во источна Украина ги обвинија украинските власти за инвазија на нивна територија и кршење на договорите, објави Ројтерс.

Украинските сепаратисти изјавиле дека се уште се обидуваат да утврдат дали некој е убиен во нападите. Засега не е јасно колку се сериозни инцидентите, а недостига актуелната реакција на Организацијата за безбедност и соработка во Европа (ОБСЕ), која ја следи ситуацијата во источна Украина, иако го намали бројот на набљудувачите во последните денови.

Милицијата на Луганската Народна Република објави дека ситуацијата во регионот значително се влошила во текот на изминатиот ден, бидејќи Киев се обидува да го ескалира конфликтот.
Проруските сепаратисти според руските медиуми ги повикалае меѓународните набљудувачи да го снимат нападот и да преземат мерки за да се спречи агресијата на Украина.

Киев ги демантираше информациите дека го гранатирала Донбас наведувајќи дека е токму проруските сепаратистички милиции отвориле оган врз позициите на Украинската армија

„И покрај фактот што беше отворен оган врз нашите позиции од забрането оружје, вклучително и артилерија од 122 милиметри, украинските сили не возвратија“, изјави за Ројтерс неименуван висок украински функционер.

Слични инциденти не се невообичаени во последните осум години, но овој последен конфликт меѓу украинските сепаратисти и владините сили е од дополнително значење бидејќи се случува во контекст на актуелните руско-украински тензии.

Секоја ескалација на конфликтот во долготрајниот конфликт меѓу украинската влада и проруските сепаратисти кои окупираа дел од територијата во источна Украина во 2014 година, може дополнително да ги зголеми сегашните тензии.

Американските разузнавачки служби сметаат дека Русија би можела да измисли изговор за инвазијата на Украина, а како пример ја наведуваат можноста за објавување снимка од лажен напад, врз Донбас што Москва засега го отфрла.

Долниот дом на рускиот парламент во вторникот гласаше да испрати барање до претседателот Владимир Путин да ја признае независноста на самопрогласените проруски сепаратистички републики во источна Украина, Луганск и Доњецк.

Останува опцијата засилената со оружје и опрема украинска армија да се обиде да го врати под украински суверенитет сепратистичкиот Донбас, но доколку тоа се случи се остава простор за руски напад врз Украина под изговор дека Русија е нападната.

Напишете коментар

Вашата адреса за е-пошта нема да биде објавена.

1 × one =