Андоновиќ: Трамп единствен губитник на изборите во САД- Републиканците пред освојување на мнозинство во сенатот

You must need to login..!

Опис

Речиси 80 проценти од Американците, вклучувајќи и над 50 отсто од републиканците, го признаваат кандидатот на демократите Џозеф Бајден за победник на претседателските избори во САД, покажуваат резултатите од анкетата на Ројтерс и Ипсос. Во анкетата, 79,7 проценти од Американците со право на глас сметаат дека Бајден победил во трката за влез во Белата куќа. Околу 13 проценти сметаат дека претседателските избори се уште се неодлучени, три проценти дека победил Трамп, додека пет проценти велат дека не знаат кој победил, наведуваат британските медиуми. Kога станува збор за политичките партии, од 10 анкетирани републиканци околу шест од нив изјавиле дека Бајден победил, додека речиси секој демократ кој учествувал во анкетата изјавил дека победник е кандидатот на демократите.

Околу 72 проценти од анкетираните кажале дека поразените на изборите треба да го признаат поразот, а 60 проценти од анкетираните сметаат дека ќе има мирна транзиција на власта по истекот на мандатот на Трамп во јануари. Што се однесува до битката за освојување на мнозинство во преставничкиот дом, Демократската партија доцна синоќа обезбеди мнозинство во Претставничкиот дом на американскиот Конгрес со најмалку 218 мандати освоени на изборите на 3 ноември.

Иако демократите би можеле да освојат уште неколку места во Долниот дом на Конгресот, нивното мнозинство ќе биде помало во однос на претходниот состав. Како што пренесуваат американските медиуми, демократите може да изгубат 15 места во тоа тело, кое брои 435 члена, по големиот прилив на републикански гласови. Демократите досега имаа 232 места во Претставничкиот дом. Иако демократот Џо Бајден победи на претседателските избори, големи се шансите републиканците да го задржат мнозинството во Сенатот.

Напишете коментар

Вашата адреса за е-пошта нема да биде објавена. Задолжителните полиња се означени со *

four + sixteen =