Андоновиќ: Суетниот Трамп се одмазди, Пелоси демонстрираше фрустрација од навредата

You must need to login..!

Опис

Новинарот Дејан Андоновиќ во „Утрински брифинг“ на „Слободен печат“ ги коментираше настаните околу обраќањето на Трамп пред американскиот Конгрес.

Трамп во време на процесот на импичментот, за првпат откако е започнат процесот, директно се соочи со демократите кои го покренаа неговото отповикување од претседателската функција.

Неговиот говор беше засенет со меѓупартиски инцидент. Имено, надмениот Трамп првенствено се поздрави само со своите републикански конгресмени, одбивајќи да ги поздрави опозициските демократски пратеници во Конгресот.

Демократите не му останаа должни. Највисокиот претставник на демократите во Конгресот, претседателката на Горниот дом Ненси Пелоси, која воедно беше и инцијатор за импичментот на Трамп, го избегна традиционалното најавување со зборовите „чест и задоволство ми е да Ви го претставам претседателот на САД“. Само го најави како претседател, што кај Трамп предизвика дополнителна одмаздољубивост, одбивајќи да се ракува со Пелоси.

Таа пак, не остана должна и демонстративно ја искина копијата од говорот на Трамп, кој според протоколот претходно ѝ беше доставен за да може да го следи неговото излагање.

Сите овие настани укажуваат на нервозата и меѓупартиската поделеност на демократите и републиканците во пресрет на кампањата за избор на кандидати за претседател на САД, кои во моментов се одржуваат.

Во моментов Трамп е во една лесна позиција. Денес треба да заврши процесот на евентуално негово отповикување. Андоновиќ смета дека тоа со сигурност ќе биде неуспешно. Трамп осилен од оваа победа, ја прави се поизвесна неговата кандидатура за реизбор за втор претседателски мандат кај републиканците. Ова му дава политичка предност во однос на неговиот демократски политички опонент во трка за претседателската функција.

Кај демократите за номинирање на кандидат кој ќе му се спротистави на Трамп, најголеми шанси му се даваат Берни Сандерс. Но, на прелиминиарните избори оддржани во сојзуната држава Ајова вчера победи Пит Бутиџиџ. Овој млад политичар има најбрзо растечки рејтиг меѓу демократите. Довчерашниот, јавно прокламиран фаворит, поранешниот потпретседател Џо Бајден, сè поизвесно е дека ќе биде аутсајдер во внатрепартиската трка кај демократите.

Следните внатрепартиски избори кај демократите се во сојузната држава Њу Хемпшир. Доколку се повторат истите резултати, само ќе ги покажат очекувањата дека можеби Американците кај демократите сакаат млади и нови имиња, а не истрошени политичари од минатото.

Напишете коментар

Вашата адреса за е-пошта нема да биде објавена. Задолжителните полиња се означени со *

sixteen − fourteen =