Андоновиќ: Србите во Влада која не ја подржуваат – задолжителен воен рок во Косово и тужба за геноцид

You must need to login..!

Опис

Официјален Белград ова го оцени како неприфатливо и нереално. Според српските власти, никаде во светот не се видело ,,Џелатот да ја тужи жртватата. Со ова алудираат на тоа дека Србите, а не Албанците биле жртви на протерување.

По 4 месеци колициони натегања Косово вчера ја избра новата Влада. Албин Курти е избран за нов премиер на Косово. На оваа тема во емисијата „Утрински брифинг“ на „Слободна ТВ“, анализира новинарот Дејан Андоновиќ.

-Собранието на Косово го изгласа со мнозинство гласови, лидерот на Движењето Самоопределување, Албин Курти за нов премиер. Со ова е усвоен неговиот предлог за состав на новата Влада на Косово.

Предлогот на Курти беше усвоен со 66 гласа „за”, десет „воздржани” и без ниту еден глас „против” во 120-членото Собрание на Косово.

Пред самиот чин на гласање, собраниската сала ја напуштија пратениците на опозициските партии на Албанците, Демократската партија на Косово, Алијансата за иднината на Косово и Социјалдемократската иницијатива. Воздржани беа десетте пратеници на најголемата партија на косовските Срби, Српската листа.

Но се чини дека премиерското експозе на Курти ги разбранува негативните коментари на Белград.

Тој најави дека Косово пред меѓународните судови ќе покрене тужба против Србија за геноцид врз Албанците.

Белград ова го оцени како неприфатливо и нереално. Според нив никаде во светот не се видело ,,Џелатот да ја тужи жртватата. Со ова официјален Белград алудира на тоа дека Србите, а не Албанците биле жртви на протерување.

-Дополнително заострување на реториката уследи откако Курти во своето експозе најави воведување на задолжително служење на воен рок во новата косовска армија, – анализира новинарот Андоновиќ во „Утрински брифинг“ .

Во плановите на новата влада е предвидено служење на тримесечен воен рок за сите кооовски граѓани од 18 години. Ова Белград го доживува како подготвување на Приштина за војна.

Особен проблем во оваа одлука, е што во задолжителниот воен рок се опфатени и Србите кои живеат на Косово. Ова е неприфатливо за Белград, кој косовската армија ја смета за нелегална- вели Андоновиќ.

Српската влада оцени дека со оваа одлука се кржи резолуцијата на СБ на ОН 1244 која предвидува дека единствена вооружена воена сила на Косово се мисијата КФОР.

-Останува нејасно и идното делување на Српската листа. Политичка партија која ги претсавува Србите на Косово , а која е под директно управување од Белград. Српската листа вчера не ја подржа новата влада на Курти но најави дека ќе усетвува во косовските иснтитуции.

Во владиниот кабиенет на Курти предвидени се две ресорни министерства за Србите за регионален развој и за за заедница и враќање. Останува нејасно како ќе бидат пополнети овие две места од партијата која не ја подржува владата.

Сето ова укажува дека новата косовска влада во наредниот период ја очекува турбулентен период со многу предизвици. Меѓу нив е и враќањето на преговарачката маса со Белград, како и условувањето за укинувањето на таските за српски производи во замена за признавање на независноста од страна на Белград- анализира Андоновиќ.

Тензиите и реториката доплнително ќе се зголемуваат и во прерсет на закажаните избори во Србија во април, каде сите политички субјекти максимално ќе ја искористат темата Косово за добивање на политички поени и освојување на власта.

Напишете коментар

Вашата адреса за е-пошта нема да биде објавена. Задолжителните полиња се означени со *

ten − 1 =