Андоновиќ: САД во офанзива за враќање на контролата врз главните стратешки рути за транзит на нафта

You must need to login..!

Опис

Во услови кога има вишок на нафта, а мала побарувачка, големите сили се борат за контрола врз главните транзитни морски правци на дистрибуција на нафата.

Претседателот на САД Доналд Трамп и наложи на американската морнарица распоредена во Персикиот залив да отвори оган без предупредување кон иранските борбени бродови доколку тие им се приближат. Оваа наредба на Трамп следи откако 11 ирански воени бродови пред неколку дена им се приближиле на американските бродови во близина на бергот на Кувајт, што Трамп го протолкува како воена провокација. Ова не е прв пат , американските и иранските воени бродови да се во непосредна близина во водите на Персискиот залив, регион каде се подигнати воените тензии, кои лесно може да ексалираат во воени судири.

Иранските официјални преставници на заканите на Трамп му порааа дека, најдобро за САД е да ги повлечат своите трупи од Блискиот исток и Персискиот залив и да се насочат кон спасување на своите војници од епидемијата од коронавирусот.

о Персискиот залив е распоредена американската петта флота која го контролира еден дел од протокот на Ормутскиот премин, каде од Иран кон Саудијска Арабија поминуваат 40 проценти од светското снабдување со нафта. Тензиите со Иран ескалираа во почетокот на годинава откако беше ликвидиран иранскиот генерал Мохамед Касами, што доведе до раб на војна меѓу САД и Иран.

Дополнителна тензија меѓу Иран и САД предизвика и лансирањето на воениот сателит на Иран во орбитата. Овој сателит ќе биде за воени цели, но она што е спорно за Вашингтон не е сателитот туку ракетата со голем дострел и технологија која, наместо сателит, може по потреба да носи нуклеарана боева глава.

Американскиот државен секретар Мајк Помпео го осуди лансирањето на иранскиот сателит, истакнувајќи дека грубо ја крши резолуцијата на Обединети нации, со која Техеран се обврзува дека ќе ја стопира работата и развивањето на балистичките проектили. Вашингтон смета дека со оваа постапка, Иран демонстрира сила и дека е повторно способен да ги загрози соседите и американските сојузници,на што САД жестоко ќе се спротистави.

Тензии има и во регионот на втората светска транзитна точка за дистрибуција на нафта. Во Јужното кинеско море, во спорните територијални води во близина на брегот на Малезија, впловија борбени бродови на американската и австралиската воена морнарица. Нивното впловување дополнително ги подигна тензиите на и онака тензичниот регион каде за геостратешка доминација се борат САД и Кина.

Овој регион богат со нафта и гас,се наоѓа во спорни територијални води и засега никој нема суверенитет врз нив. Кина се обидува спорните територијални води да ги присовои и легално да ги истражува и да експлатира природен гас и нафта. Од друга страна САД и сојузниците го оспоруваат ова кинеско настојување и во овие води има распоредено воени сили. Изминативе недели во овој дел беа одржани и воени маневри на морнарицата на САД од една страна и на Кина од другата.

Американскиот носач на авиони Теодор Рузвелт беше повлечен пред две недели од овој регион, по избивањето на пандемијата на коронавирусот и 200-те морнари од носачот кои заболеа од оваа болест. Регионот е еден од главните транзитни зони каде поминува една третина од глобалниот бродски сообраќај.

Напишете коментар

Вашата адреса за е-пошта нема да биде објавена. Задолжителните полиња се означени со *

7 − two =