Андоновиќ: Русите го освоија речиси целиот Луганск – Севернодоњецк е уште под контрола на украинците

You must need to login..!

Опис

По 120 дена војна, руските сили успеаја да освојат 90 отсто од областа Луганск во источна Украина. Сепак, иако жестоките борби се водат повеќе од два месеци, клучниот град во областа – Северодонецк – се уште се спротивставува на нападите.

Според извештаите од теренот изминативе денови се интензивираат и онака тешките борби за заземање на овој град и состојбата се оценува како „исклучително тешка“ .

„Руската армија има акумулирано доволно резерви за да започне офанзива од големи размери“, изјавија тамошните локални власти
Руските сили контролираат дел од градот Северодонецк, освен хемиската фабрика Азот, каде стотици цивили се кријат со недели, а патот што ги поврзува Северодонецк и неговиот збратимен град Лисичанск со градот Бахмут е под постојано гранатирање.

Фротнтот во Донбас се протега на околу 1.000 километри, и само 10% од територијата се уште е под контрола на украинските власти.

Сеапк, поминаа речиси два месеци откако руските сили почнаа со напади врз градот Северодонецк. И покрај огромната огнена моќ, руските војници сè уште не успеаја да го потиснат украинскиот отпор, ниту да ја пресечат линијата што обезбедува оружје и муниција на преостанатите бранители на градот.

Рускиот претседател Владимир Путин ја прогласи окупацијата на источните украински региони Луганск и Доњецк за една од главните цели на „специјалната воена операција“ на Москва, која започна во февруари.

Во услови на интензивни градски борби, околу 500 цивили, меѓу кои и десетици деца, се засолниле во хемиската фабрика Азот во Северодонецк. За разлика од фабриката Азовстал во Мариупол, упориштето во Северодонецк нуди поголема заштита на цивилите. Украинските власти тврдат дека луѓето кои претходно одбивале да го напуштат градот имаат залихи со храна, но сега не можат да бидат евакуирани од фабриката поради интензивните борби.

Но, како и кај „Азовстал“, фабриката „Азот“ и неговата непосредна околина станаа центар на украинскиот отпор, што значи дека руските сили ги насочија сите свои напори токму кон нив.
Сите три моста што го поврзуваат градот Северодонецк на источната линија на фронтот во Украина со Лисичанск на запад се уништени, што ја оневозможува евакуацијата на цивилите кои се уште се во градот.

„Судбината на Донбас се решава во Северодоњецк на неколку начини“, изјави украинскиот претседател Владимир Зеленски, откако руските сили успеаја да окупираат околу 90 отсто од територијата на градот.

Воените команданти оценуваат дека е прашање на време кога овој град целосно ќе потпадне под руска контрола, иако претходно успеа да се спротивстави на нападите.

Претставниците на Кремљ неодамна потврдија дека битката за Северодонецк е од големо значење за руската армија. Со освојувањето на Северодонецк, Русија би можела да ги обнови транспортните врски и другата клучна инфраструктура, со цел да формира копнен коридор од Русија до анектираниот полуостров Крим. Според официјална Москва, тоа била една од основните цели на „специјалната воена операција“ во Украина.

Северодонецк е првенствено еден од ретките градови во регионот кој се уште е во рацете на Украина. На нешто помалку од 100 километри од него се наоѓа градот Краматорск, кој е административен центар на украинскиот дел на Донбас, од 2014 година, кога сепаратистите го окупираа источниот дел на тој голем слив.

Со заземањето на овој град, Русија би постигнала многу поголема цел од едноставно проширување на списокот на територии кои се под нивна контрола. Со заземањето на Северодоњецк тие би имале контрола над градот што би го поврзал Донбас со источниот дел на Украина.

Со ова војната во Украина би влегла во нова фаза, бидејќи со освојувањето руската војска во Северодонецк практично би се здобила со упориште на територијата на Украина, од кое би можела да продолжи со понатамошни освојувања

Напишете коментар

Вашата адреса за е-пошта нема да биде објавена.

15 − eleven =