Во Бугарија петти ден по ред продолжуваат антивладините протсти на кои се бара оставка на владата на премиерот Бојко Борисов и главниот државен обвинител. Протестите кои воглавно се одржуваат во Софија но и во уште 11 градови во Бугарија, засега според медиумските извештаи се одвиваат мирно. Протестите на илјадниците демонстранти во Софија се одржуваат во центарот на бугарската престолнина, каде се наоѓаат зградите на претседателската администрација, на владата и на Националното собрание.

Демонстрантите извикуваат „Мафија“ и „Оставка“ а наспроти нив се распоредени полициски кордони. Повод за овој протест се случаи на полициска бруталност, поради што биле хоспитализирани неколку лица. Директорот на софиската полиција, соопшти дека во врска со случаите на насилство се води внатрешна истрага чии резултати ќе бидат познати најмногу за еден месец.Бугарското министерство за внатрешни работи соопти дека на протестите во понеделникот сѐ уште нема регистирано нарушување на јавниот ред и мир, како и дека во вечерните часови е приведено едно лице.

Првиот масовен протест во Софија се одржа на 9-ти јули, кога повеќе илјади граѓани од разни политички провиниенции и претставници на општествени организации се собраа пред седиштето на шефот на државата, изразувајќи му поддршка на претседателот Румен Радев. Причината за протесот се некои постапки на обвинителството кое издаде наредби за апсење на двајца високо позиционирани функционери од администрацијата на претседателот на земјата.Ваквите постапки на правосудните органи се сметаат како алатка за политичкиот напад врз претседателот Радев, кој последниот период остро ја критикува владата на премиерот Борисов. Со овие протести и подршката која ја доби,

Бугарскиот социјалистички претседател, Румен Радев, ја откри својата можност да го скрши стисокот на Борисов врз државата пред изборите следната година и ја повикува ЕУ конечно да размисли за затруениот правен систем на земјата. Протести се одржуваат и во Србија седми ден по ред. Но за разлика од првите три дена каде владеше вистинска војна поеќу демонстрантите и полицијата, изминативе две вечери протестите се одвиваат мирно со мала посетеност и без регистрирани инциденти.

Во Белград, Ниш и Зрењанин се собраа граѓани незадоволни од српската влада и мерките кои ги презема државата, Идентично како и на протестите во Бугарија, и во Србија полицијата се обвинува дека применила прекумерна сила врз демонстрантите. Полициската бруталност во моментов е главна тема во јавноста, а и покрај владината забрана за масовни собири поради пандемијата на коронавирусот, преку социјалните мрежи за вечерва се најавуваат бнови протести.