Андоновиќ: Откако не успеа да се договори со Русија, Ердоган во поход на добивање на европска подршка за операциите во Сирија

You must need to login..!

Опис

Европската страна наведува дека Унијата во целост се придржува до Договорот од 2016 година, што предвидува шест милијарди евра за хуманитарна помош на бегалците, од кои, според Брисел, се лоцирани 4,7 милијарди и веќе се платени 2,3 милијарди.

Турскиот претседател Реџеп Таип Ердоган денеска ќе во Брисел ќе се сретне со функционерите на ЕУ со кои ќе разговара за проблемот со мигрантите. Тој изрази надеж дека од Белгија ќе се врати со резултати.

Ситуацијата меѓу Турција и ЕУ стана исклучително напната откако Ердоган објави дека Турција ги отвора границите за емигрантите на својата територија и ги пушта кон ЕУ.

До посетата на Ердоган на Брисел доаѓа по серијата состаноци кои ЕУ ги организираше поради ескалацијата на мигрантскиот бран на турско грчката граница. ЕУ во повеќе наврати и забележа на Турција дека не се придржува кон Договорот за мигрантите потпишан меѓу Брисел и Анкара во 2016, со кој Турција е обврзана да го сопре приливот на бегалците кон границите на ЕУ, а за возврат да добие одредени финансиски средства за спроведување на таа операција.

Брисел потсетува дека Унијата во потполност се придржува кон договорот од 2016 кој предвидува 6 милијарди евра финансиски средства за хуманитарна помош за Турција да ги згрижи околу четирите милиони бегалци во своите кампови. Брисел соопшти дека од овие пари 2,3 милијарди евра веќе се исплатени, а намената на останатите 4,7 милијарди се веќе утврдени. Од друга страна Европа, односно нејзината граница на Грција со Турција изминативе недели се соочува со голем бегалски бран, што укажува дека Турција не се придржува кон овој договор.

Освен мигрантската криза, ЕУ со Анкара има голем број отворени прашања меѓу кои и турските бушења на нафта и гас во близина на крајбрежјето на Кипар, кои Брисел ги оцени како нелегални и воведе санкции кон Турција.

Од друга страна во пресрет на денешниот состанок во Брисел, Ердоган пред два дена разговараше со германската канцеларка Ангела Меркел.

Турција останува на ставот дека ЕУ не се придржува кон договорот, и дека ќе затвори границата откако ЕУ ќе ги подржи турските иницијативи во Сирија. Имено Ердоган бара поддршка за турската политика во Сирија, и ревизија на договорот со Брисел, жестоко обвинувајќи ги грчките власти дека го кршат договорот. Од друга страна на маса останува и Турското барање за либерализација на визите за турските граѓани во европските земји, нешто што засега Брисел одбива.

Голем проблем остануваат и заложбите на Анкара да во близина на кипарското крајбрежје започне со ископување на нафта и гас, како и распоредувањето на своите воени сили во Либија, нешто што засега е неприфатливо за Европа, пред се за нејзината членка Грција, која со ова барање се чувствува загрозена, Се дотогаш Ердоган ќе го држи мигрантскиот бран како оружје за постигнување на своите цели.

САД засега ја подржуваат Грција оценувајќи дека Атина има право да си ги заштити границите. Во меѓувреме Кипар најави дека ќе испрати војска на грчко – турската копнена граница. Целта е да и помогне на Грција да се справи со напливот на мигранти кои доаѓаат од турска територија.

Претходно грчката влада обвини дека турските гранични сили со воено возило ја отстранува оградата со цел да им овозможат премин на бегалците на грчка територија.

Напишете коментар

Вашата адреса за е-пошта нема да биде објавена. Задолжителните полиња се означени со *

20 + twenty =