Андоновиќ: Новиот закон за носење оружје го враќа времето на дивиот запад во САД

You must need to login..!

Опис

За прв пат, Врховниот суд на Соединетите Држави јасно потврди дека Американците имаат право да носат оружје надвор од своите домови, одлука што може да ги попречи напорите за борба против алармантниот пораст на оруженото насилство.

Шест конзервативни судии надгласаа тројцата прогресивни колеги и го укинаа законот на државата Њујорк донесен пред повеќе од сто години со кој се ограничува правото на носење оружје во таа држава.

Одлуката дојде во време кога жителите на САД беа шокирани од серија смртоносни напади, вклучително и основно училиште на 24 мај во Тексас, во кое загинаа 19 ученици и двајца наставници, што ги натера инаку неодлучните републикански сенатори да се согласат на скромни реформи.

Оваа одлука американскиот престедател Бајден ја оцени како разочарувачка бидејќи оди во спротивна насока со неговите најави за контрола и забрана за поседување оружје. Бајден смета дека оваа одлука треба да ги загрижи сите во САД.

Гувернерката на Њујорк, демократката Кети Хочул, ја осуди одлуката, која е „срамна во време кога нацијата е свесна за насилството со оружје“.

Влијателно лоби за огнено оружје (Национална асоцијација за пушки, НРА) ја поздрави „огромната победа и пресвртница што е резултат на една деценија борби“.

Во државата Њујорк, законот од 1913 година бара од граѓаните кои сакаат да носат оружје да добијат дозвола од локалните власти за да докажат дека се принудени да се бранат, на пример поради работа или закани. Според одлуката на Врховниот суд, тој повеќе нема да мора да доставува такви докази.

Законот беше оспорен од двајца сопственици на оружје чија дозвола беше одбиена од властите во Њујорк, со помош на огранокот на NRA што силно се залага за доследна примена на Вториот амандман на Уставот на САД.

Вториот амандман на Уставот на САД го штити правото на поседување и носење оружје. Со најновата одлука на Врховниот суд се потврди правото на носење огнено оружје надвор од куќата.
Конзервативните судии образложија дека ниту една точка во вториот амандман не сугерира разлика помеѓу куќа и јавно место кога станува збор за носење оружје“,

Соединетите држави имаат највисока стапка на смртни случаи од огнено оружје меѓу богатите земји.
Само во оваа година регистрирани се најмалку 239 масовни престрелки во САД.Во 2020 година во меќусебни улични престрелки загинале 45.222 Американци.

Речиси 400 милиони оружја биле во оптек меѓу американските цивили во 2017 година, се наведува во истраѓувасњето на организацијата Смол Армс Сурвеј (Small Arms Survej)

Напишете коментар

Вашата адреса за е-пошта нема да биде објавена.

19 + twenty =