Андоновиќ: Нова фаза на руската стратегија во Украина – Русите праќаат воени авиони во Молдавија?

You must need to login..!

Опис

Четириесет и втори ден од Руската инвазија врз Украина На почетокот на новата фаза од војната во Украина, руските сили ги пренасочија своите борбени дејствија на исток од земјата, а украинските трупи ја вратија контролата врз многу области околу Киев. Како што истакнаа руските власти, фокусот повторно е ставен на регионот Донбас, но борбите за пристанишниот град Мариупол продолжуваат.

Руските трупи кои го држеа во опкружување регионот и градовите околу престолнината Киев сега се насочени во борбени дејствија околу регионот на Харков и пред се Донбас. Досега проруските сепаратисти држеа околу 30 проценти од вкупната територија на Донбас, и се чини дека фокусот на руската армија сега е целосно е насочен кон одвојување на источниот дел на Украина. Паралелно со ова, и во следната фаза , целта на Москва е одвојување на Украина од нејзин притап до море и претварање на оваа држава во континентална.

Иако руските трупи успаа да го одвојат од пристаништето во азовоското море , градот Мариопољ се уште е во рацете на украинците.Според извештаите од теренот, руските сили вршат спорадични гранатирања и врз најголемиот пристанишен град на Црното море Одеса, што веќе навестува дека следната фаза би била одвојување на Украина и од Црното море. Но засега приоритетот останува на воените операции на истокот,каде украинската армија се уште има борбена кондиција да се справи со руските воени упади. Русите во наредната фаза, според проценките може да тргнат и кон централниот дел на Украина однсно кон регионот на Запоржје и градот Дњипро, и доколу успеат да го освојат, заедно со Донбас, целосно ќе го отцепат истокот на Украина.

Околу јужниот дел, веќе наголемо се шпекулира дека во следната фаза ќе биде опфатена и соседна Молдавија, односно делот Придњестровје кој е под контрола на Русија, и која има во вој регион стационирано една цела армија. Извештаите кои засега не се потврдуваат е дека се заблежани руски воени транспортни авиони како слетуваат во соседна Молдавија во регионите кои не се под контрола на молдавската влада. За оваа информација, Молдавија соопшти дека нема информации Многумина сметаат дека, постои можност токму од регионот на Придњестровје да биде нападната Одеса и со тоа да заврши руската анексија на јужниот дел на Украина. Заедно со Истокот, најверојатно Москва би се стекнала со стратешка предност и потоа нејзината позиција би се подбрила и воено и дипломатски во идните евнтуални преговори.

Но, сето ова засега се само нагаѓања и шпекулирање: Тешко може да се предвиди кои се намерите и какви ќе бидат условите на теренот. Украинската армија се уште е во борбена способност и повеќе 42 дена успева да одолее на руските напади.

Сето ова само укажува дека војната во Украина ќе трае многу подолго одошто првично се проценуваше.

Напишете коментар

Вашата адреса за е-пошта нема да биде објавена.

9 − three =