Андоновиќ: Најавени преговори и продолжување на воени дејствија – осми ден од руската инвазијан на Украина

You must need to login..!

Опис

Осми ден од руската инвазија на Украина – На теренот продолжуваат судирите меѓу руските воени сили и украинската  армија. Руската војска по 8 дена успеа да стави под контрола два украински града меѓу кои и градот Херсон околу кој изминативе денови се водеа жестоки  вооружени судири. Продолжуваат и борбите околу вториот по големина украински град Харков како и гранатирањата на престолнината Киев.

Украинскиот генералштаб е во очекување на отварање на нов фронт околу пристанишниот град Одеса, каде се концентрирааат големи воени сили на руската армија.

Во меѓувреме, руската армија направи безбедносен коридор околу Киев за украинската делагација која денеска на белоруско-полската граница , да излезе од опколениот Киев и да се упати кон дестинацијата каде треба да учествува во втората рунда преговори со Русија со цел да се стави крај на воениот конфликт. Пред три дена, во рамките на првата рунда разговори, двете страни не успеаа да постигнат напредок околу барањата на Русија – Денацификација, демилитаризација и неутрален статус на Украина, барања поради кои Москва ја започна воената инвазија врз Украина.

Сепак според најавите за денеска руската страна не ја исклучи и можноста да се разговара за евентуален прекин на огнот, што за Украина и западот е неприфатливо. Киев и западните сојузници бараат итно повлекување на руската армија од Украина.

Еден од можните настапи на Украинската страна можеби би било членствто во НАТО во моментов да го замени со итен прием на земјата во ЕУ, за што, барем засега останува нејасно дали е прифатливо за Русија или не. Особен проблем можеби ќе произлезе и барањето на уште една поранешна советска република со НАТО апетити и жртва на Руска воена интервенција, Грузија, која исто така побара членство во ЕУ. Москва засега не ги коментира овие барања , но се смета дека и ЕУ членството нема да биде прифатливо за Москва.

Во меѓувреме Украинската армија соопшти дека дошла до доверливи воени планови за Рускиот напад на Украина, во кој е посочен 6 март како краен рок за завршување на руската воена интервенција во Украина.

Она, што можеби е најоптимистички сигнал е изјавата на американскиот државен секретар Антони Блинкен, кој прв пат од започнувањето на рускиот напад на Украина остави простор за разговори на САД и Русија на високо ниво. Но, како услов Блинкен го постави запирањето на руските воени дејствија во Украина.

Оттаму и очекувањата за исходот од денешната втора средба на руската и украинска страна за обид да се изнајде некаков договор за запирање на војната во Украина.

Напишете коментар

Вашата адреса за е-пошта нема да биде објавена.

four × five =